ЯҢАЛЫКЛАР

Зәй районы педагоглары сингапурча укыту алымнарының беренче этабын уңышлы куллануга кереште.
Зәйнең 4нче мәктәбендә, бу яңа укыту методикасын өйрәнү максатында, тагын ике көнлек семинар-тренинглар оештырылды. Әлеге белем йорты районда бердәнбер “Школа превосходства” исемен алды.

Бүген Казанда Белем сыйфатын мониторинглау республика үзәгендә, якынлашып килүче Укытучылар көне уңаеннан, иң яхшы мәктәп директорларын, укытучыларын, балалар бакчалары мөдирләрен хөрмәтләү тантанасы узды. Белем бирү учаклары җитәкчеләре һәм укытучыларын ТР Премьер-министры урынбасары - мәгариф һәм фән министры Энгель Фәттахов бүләкләде.

2015 елның 1 гыйнварына кадәр Татарстан мәктәпләрендә ата-аналардан теләсә нинди акча җыюга чик куелырга тиеш, хәзерге вакытта бу ата-аналар комитеты, хәйрия фондлары һәм башка алымнар белән башкарыла. Бүген журналистларга ТР Премьер-министры урынбасары - мәгариф һәм фән министры Энгель Фәттахов сөйләгәнчә, кичә район һәм шәһәр мәгариф идарәләренә тиешле тәкъдимнәр белән хатлар юлланган. Бу хакта республика прокуратурасына хәбәр ителгән.

Зәйнең 3нче мәктәбе укучылары бу көннәрдә Орел шәһәренә II Бөтенроссия гимназиядасына спартакиада юл ала. Биредә 5-11 октябрьдә мәктәп укучылары арасында спорт ярышлары үтәчәк. Анда Зәй данын 3нче җиңел атлетика буенча 11 яшь спортчы яклаячак.

Мәскәү өлкәсенең Мытищи шәһәрендә “Россиянең ел укытучысы-2014” Бөтенроссия бәйгесенең I турына нәтиҗәләр ясалды. Анда Бөтенроссия ярышы финалына үткән лауреатларның исемнәре билгеле булды. 15 финалист арасына Татарстан вәкиле – Нурлат шәһәренең 1нче урта мәктәбе биология укытучысы Алла Головенькина да керде.

6 октябрьдә Казанда республикабызда бердәнбер булган Милли мәгариф үзәге ачылу тантанасы узачак. Әлеге үзәк үз эченә “Балакай” балалар бакчасын һәм Казан федераль университеты каршындагы 2нче гимназияне һәм 32нче музыка мәктәбен алачак.
Милли мәгариф үзәгенең төп үзенчәлеге – тарих, традицияләр, халык мәдәнияте нигезендә өзлексез рәвештә туган телдә белем алу процессын балалар бакчасы, мәктәп, югары уку йорты үзара бәйләнеше аша гамәлгә ашыру.

2 октябрьдә Татарстан Республикасы Мәгарифне үстерү институтында «Күпмилләтле Россия – күпмилләтле Татарстан» факультатив уку курсын өйрәнүнең концептуаль, мәгънәви һәм методик аспектлары» дип исемләнгән темага тарих, җәмгыять белеме укытучылары өчен семинар үткәрелде.

Казанга Кырым Республикасының министр урынбасары Айдер Аблятипов җитәкчелегендәге Фән һәм яшьләр министрлыгы вәкилләре килде.
Кичә ТР Премьер-министры урынбасары - мәгариф һәм фән министры Энгель Фәттахов кунаклар - Кырым Республикасының милли оешмалар җитәкчеләре, методистлар, мәктәп директорлары һәм иң яхшы укытучылар белән очрашты.