ЯҢАЛЫКЛАР

Мәскәү өзлексез математик белем бирү үзәге "Россия сегодня" Халыкара мәгълүмат агентлыгы һәм "Учительская газета" мәгълүмати ярдәмендә, РФ Мәгариф һәм фән министрлыгы теләктәшлегендә профильле өлкәләрдә чыгарылыш укучыларын югары дәрәҗәдә әзерләүне тәэмин итүче гомумбелем бирү оешмалары исемлеген төзегән. Татарстанның 11 мәктәбе биология-география, биология-химия, математика, социаль-гуманитар, социаль-икътисади, физико-математика, физика-химия һәм филология профильләре буенча чыгарылыш укучыларын югары дәрәҗәдә әзерләүне тәэмин итүче Россиянең 100 иң яхшы мәктәбе исемлегенә кертелгән.

Казан шәһәренең Киров районында 2-нче Юго-Западная ур.,25 адресы буенча инглиз телен тирәнтен өйрәтә торган яңа балалар бакчасы ачылды.
81-нче номерлы катнаш төрдәге “Карлыгач” (“Ласточка”) балалар бакчасы 120 урынга исәпләнгән. Аны бу елның март аенда сала башлаганнар, сентябрь уртасында бина куллануга тапшырылган.

Әлмәтнең 21 нче мәктәбендә укучыларны кадетлыкка кабул итү тантанасы үтте. Бу чара уку йортында 2007 елдан гамәлдә. Шул вакыттан алып бүгенгәчә 345 укучы тантаналы ант биргән. Бу юлы исә сынау срогын лаеклы үткән 70 малай һәм кызга “кадет” дигән мактаулы исем бирелде.

Әлки районы мәктәпләре соңгы айларда җыйган макулатураны тапшырып, тагын биш теннис өстәле сатып алган. Район мәгариф идарәсе мәктәпләр җыеп китергән макулатураны аерым бер бинада пресслап, кабул итүчеләргә тапшыруны оештырган. Кәгазь-картон тапшырудан кергән акчага җәен биш теннис өстәле сатып алынып, мәктәпләргә таратылган иде инде.

Мәктәпләрдә укучылар чыгарылыш иншасын декабрьнең беренче чәршәмбесендә язачак. Бу хакта Россия Мәгариф өлкәсендә күзәтчелек хезмәтенең белем сыйфатын бәяләү идарәсе җитәкчесе урынбасары Людмила Каврева белдерде.

Мәскәү өзлексез математик белем бирү үзәге "Россия сегодня" Халыкара мәгълүмат агентлыгы һәм Балачак психологик-педагогик проблемалары институты 21 регионнан мәгариф идарәсе оешмалары һәм "Учительская газета" мәгълүмати ярдәмендә “Россиядәге муниципаль балалар бакчалары-2014” рейтингын төзегән. Әлеге исемлектә 4 меңгә якын мәктәпкәчә белем бирү оешмасы бар.

Бүген ТР Фәннәр академиясендә Е. К. Завойский исемендәге Халыкара премияне тапшыру тантанасы узды. Премия электрон парамагнит резонансы (ЭПР) өлкәсендә зур өлеш керткән галимнәргә тапшырыла.

Иртәгә, 27 сентябрьдә төп дулкында йомгаклау аттестациясен үтә алмаган 182 тугызынчы сыйныф укучысы математикадан кабат имтихан тапшыра. Кабаттан дәүләт йомгаклау аттестациясен тапшыру өчен республикада 4 имтихан тапшыру пункты булдырылган: Казан шәһәренең 155нче гимназиясе, Яшел Үзән шәһәренең 10нчы гимназиясе, Лениногорск шәһәренең 8нче гомумбелем бирү мәктәбе, Түбән Кама шәһәренең 12нче гомумбелем бирү мәктәбе.