ЯҢАЛЫКЛАР
Казанда 2020 ел нәтиҗәләре буенча 12 иң яхшы яшь галимне һәм тугыз иң яхшы аспирантны билгеләделәр. Алар дипломнар һәм 10 меңнән 35 мең сумга кадәр акчалата призлар алдылар. Җиңүчеләргә сәламләү сүзе белән Татарстан Республикасы Премьер-министры урынбасары Ләйлә Фазлыева мөрәҗәгать итте.
Республикада «Татарстанның фәнни яшьләре» ярдәмче программасын булдырырга телиләр. Ул яшьләр арасында фәнне популярлаштыруга һәм аны фәнни эшчәнлеккә җәлеп итүгә, шулай ук яшь галимнәргә ярдәм итүгә юнәлтеләчәк. Бу хакта «Татар-информ» МА хәбәрчесенә ТР Яшь галимнәр һәм белгечләр хәрәкәтенең башкарма комитеты рәисе Юлия Кареева сөйләде.
Казанда Россиянең танылган язучылары катнашында «Сыйныф укулары»дип исемләнгән әдәби проект ачыла. Форумны язучы, Француз прозасы тәрҗемәчесе, Санкт-Петербург Язучылар берлеге әгъзасы Асия Петрова ачачак. Бу хакта проектка багышланган матбугат конференциясендә Асия Петрова үзе хәбәр итте.
Мәгариф һәм фән өлкәсендә күзәтчелек буенча федераль хезмәт 2021 елда 9 һәм 11 сыйныфларны тәмамлаучылар өчен дәүләт йомгаклау аттестациясе расписаниесенең яңартылган проектларын бастырды.
Бүген Татарстан Республикасы Президенты Рөстәм Миңнеханов Казан Ратушасында Татарстан Мәгариф һәм фән советының фән һәм технологияләр елына әзерлек утырышында чыгыш ясады. Ул Татарстанның Идел буе округында алдынгы урында булуын әйтте.
2-5 февральдә Идел буе физик культура, спорт һәм туризм академиясе базасында 9-11 сыйныф укучылары өчен экология буенча Бөтенроссия олимпиадасының региональ этабы һәм мәктәп укучыларының экология буенча республика олимпиадасының йомгаклау этабы үткәрелде.
8-22 февраль көннәрендә мәктәп укучылары өчен интернеттагы мәгълүматларны саклау проблемасына багышланган «Саннар дәресе» – «Цифрлы дөньяда саклылык» узачак. Дәрестә балалар үзләре турында нинди мәгълүматны интернетта урнаштырмаска, мошенникларга ничек каршы торырга кирәклеген беләчәкләр, шулай ук шәхси мәгълүматларны якларга өйрәнәчәкләр.
Хөрмәтле галимнәр, фәнни хезмәткәрләр, укытучылар, аспирантлар һәм студентлар! Сезне ихлас күңелдән һөнәри бәйрәмегез – Россия фәне көне белән котлыйм!
Татарстан укучылары «Компьютер иле»XXV ачык халыкара фестивалендә катнаша алачак. Ул 8 февральдән 6 мартка кадәр дистанцион режимда узачак. Теркәлү чара дәвамында ачык булачак.
Россия тарих җәмгыяте рәисе Сергей Нарышкин белдергәнчә, беренче Бөтендөнья тарих укытучылары конгрессы 2021 елның октябрендә узачак.