ЯҢАЛЫКЛАР
Татарстан Премьер-министры урынбасары — мәгариф һәм фән министры Рафис Борһанов дистанцион белем бирүнең перспективасы турында фикерен белдерде. «Дистанцион укыту элементлары безнең тормышка, һичшиксез, керәчәк», — диде ул туры эфир барышында.
Мәгариф министрлыгы "Триколор" телекомпаниясе белән бергә "Минем мәктәп online" белем бирү тапшыруларын башлап җибәрә. Проект өлкән сыйныф укучыларына БДИ һәм ТДИга әзерләнергә ярдәм итәчәк.
Татарстанның биш мәктәбе чыгарылыш сыйныф укучыларының конкуренциягә сәләте буенча Россиянең 100 мәгариф учреждениесе исемлегенә керде. Исемлек RAEX («РАЭКС-Аналитика») рейтинг агентлыгы тарафыннан төзелгән.
21 апрель көнне Zoom сервисы аша видеоконференция режимында мәгариф эшчәнлеге буенча җитәкче урынбасарлары һәм өстәмә һөнәри белем бирү оешмалары (квалификация күтәрү системалары) белгечләре белән «Бүген укытучыга ничек ярдәм итәргә?..» дигән темага дистанцион уку мәсьәләләре буенча семинар-киңәшмә узды.
2020 елның 21 апрелендә «Татарстан Республикасы Мәгарифне үстерү институты» өстәмә һөнәри белем бирү дәүләт автоном мәгариф учреждениесенең мәктәпкәчә һәм башлангыч гомуми белем бирү кафедрасы тарафыннан Татарстан Республикасы Менделеевск муниципаль районы гомуми белем бирү оешмалары директорларының урынбасарлары өчен онлайн-режимда «Белем бирү сыйфатын бәяләүдә заманча алымнар: БТЭ: нәтиҗәләрне әзерләү, анализлау, коррекция эше» дип аталган гамәли семинар оештырылды һәм үткәрелде.
2018-2022 елларга коррупциягә каршы сәясәтне гамәлгә ашыру буенча Татарстан Республикасы Мәгариф һәм фән министрлыгының 2020 елның 24 августында кабул ителгән под-1242/18 номерлы боерыгы белән расланган программасының 5.13 пункты нигезендә «Татарстан Республикасы Мәгарифне үстерү институты» өстәмә һөнәри белем бирү дәүләт бюджет мәгариф учреждениесенең Мәгариф белән идарә итү теориясе һәм практикасы кафедрасы тарафыннан коррупцион хокук бозуларны профилактикалау өчен җаваплы вазыйфаи затларга укулар үткәрелде.
23 апрель көнне Мәскәү вакыты белән 13 сәгатьтә Бөек Ватан сугышына багышланган «Минем һөнәрем - минем тарихым» Бөтенроссия ачык дәресе узачак. Чара Россия Федерациясе Мәгариф министрлыгы ярдәмендә “ПроеКТОрия” порталы белән берлектә оештырылды.
Чирмешән районының 26 мәгариф учреждениесендә 2003 укучы белем ала. Күп балалы һәм аз керемле гаиләләрдән 229 бала ташламаларга ия.
2020 елның маенда көллият, техникум студентлары, шулай ук кайбер югары уку йортлары студентлары чыгарылыш имтиханнары белән параллель рәвештә һөнәри имтиханнар да тапшырачак, өстәвенә беренче тапкыр онлайн форматта.
«Татарстан Республикасы Мәгарифне үстерү институты» өстәмә һөнәри белем бирү дәүләт бюджет мәгариф учреждениесе дәүләт биремен тормышка ашыру кысаларында, Татарстан Республикасы Тәтеш муниципаль районы Башкарма комитетының мәгариф бүлеге белән берлектә, дистанцион белем бирү технологияләрен кулланып, читтән торып уку форматында «Фәнни потенциал-XXI»I Республика фәнни–гамәли конференциясен үткәрде.