ЯҢАЛЫКЛАР

2015 елның 26 октябрендә Г.Кариев исемендәге татар дәүләт яшь тамашачылар театрында "Казанская сирота" спектакле булды. Бүгенге көндә спектакльне бушлай республиканың 950 мәктәп укучысы карады.

Россиядә МИСиС университты базасында ясалма интеллектны өйрәнү буенча бердәм үзәк төзелгән, ул "Интеллектуаль автоном системалар үзәге" дигән рәсми исем алган.

27-28 октябрь көннәрендә ТР Мәгариф һәм фән министрылыгы Казанда тарих укытучылары форумы уздыра. Анда тарих фәннәре докторы, Россия табигать фәннәре академиясе академигы, “Просвещение” нәшрияты гуманитар белем бирү үзәге җитәкчесе һәм Россия тарихы буенча яңа дәреслекләр авторларының берсе Александр Данилов катнашыр дип көтелә. Ул тарих белеменең яңа структурасы һәм эчтәлеге, яңа дәреслекләргә күчү этаплары, дәреслекләрнең һәм уку ярдәмлекләренең укучыларга һәм укытучыга мөстәкыйль эш өчен каралган мөмкинлекләре, сыйныфта проектлау эшчәнлеге, тарихтан БДИга әзерлек мәсьәләләре турында сөйләячәк.

30 октябрьдә 10 сәгатьтән 15 сәгатькә кадәр Татарстан Республикасы Иҗтимагый  палатасының яшьләр сәясәте, физик культура һәм спорт комитетының эшче группасы "Татарстан Республикасында студентлар спорты үсешенең яңа этаплары һәм перспективалары" дигән темага "кайнар линия" оештыра.

Бүген ТР Хөкүмәте йортында «Вверх!» алтынчы республикакүләм конкурсына йомгак ясалды. Конкурста җиңүчеләрне һәм призерларны игълан итүгә багышланган тантаналы чарада ТР Премьер-министры урынбасары Васил Шәйхразиев, ТР яшьләр эшләре һәм спорт министры Владимир Леонов, ТР ҮСК рәисе урынбасары Валентина Каменькова катнашты.

Мәктәп укучылары өчен Россия буйлап мәдәни-агарту маршруты кысаларында Тукай районының утыз мәктәп укучысы педагоглар җитәкчелегендә күптән түгел Санкт-Петербургта булып кайттылар.

2015 елның 24 октябрендә Яр Чаллы шәһәренең балалар һәм яшьләр иҗаты сараенда "Нәрсә?Кайда?Кайчан?" интеллектуаль уены һәм "Брэйн-ринг" викторинасы буенча республикакүләм турнирның финалы узды.

2015 елның 2 ноябреннән республика мәктәп укучыларының көзге каникуллары башлана. Каникул 8 ноябрьгә  кадәр дәвам итәчәк.

“Агач утырт” акциясе кысаларында Урыссудагы 4 нче мәктәп янында 88 нарат агачы утыртылды. Татарстан Президенты тарафыннан игълан ителгән Парклар һәм скверлар елы кысаларында уздырылган акцияне тормышка ашыруда барлык укучылар, аларның әти-әниләре, педагоглар һәм уку йортының административ хезмәткәрләре – барлыгы йөздән артык кеше катнашты.

Чирмешән районында озакламый мәктәпләрнең тормыш иминлеге нигезләре кабинетлары, ату тирлары яңача җиһазланачак.