ЯҢАЛЫКЛАР

Быел “IT – чемпион” бәйге­сендә җиңүче укучыларны гына түгел, актив мәктәпләр, районнарны да бүләкләргә җыеналар. Аларга ноутбук­лар, интерактив җиһазлар, мобиль класслар биреләчәк.

Аны оештыруда һәм үткәрүдә ТР Президент Аппараты, Мәгариф һәм фән министрлыгы, Мәдәният министрлыгы, ТР Фәннәр Академиясе, Казан шәһәре администрациясе, ТР мөселманнарының Диния нәзарәте, Россия тарих җәмгыяте, “Ауропа-Азия” Халыкара гуманитар академиясе, Россия Ислам университеты, Россиянең Азия һәм Африка халыклары белән теләктәшлек һәм хезмәттәшлек оешмасының Татарстан бүлеге, Россия Федерациясе Көнчыгышны өйрәнүчеләр җәмгыяте катнаша.

11 мартта ТР Дәүләт Советында мәдәният, фән, мәгариф һәм милли мәсьәләләр комитеты утырышы үтте. Көн кадагына педагогик кадрларны әзерләү һәм яңабаштан әзерләү мәсьәләләре чыгарылды. Доклад белән ТР Премьер-министры урынбасары – мәгариф һәм фән министры Энгель Фаттахов чыгыш ясады.

16 мартта Истамбулда “Татар кызы- 2014” бәйгесе узачак. Чарада Төркиядә яшәүче ватандашларыбыз, Төркия югары уку йортларында укучы студентлар катнашачак. Бәйге кысаларында төркемле һәм аерым иҗади номерлар күрсәтеләчәк. Араларыннан жюри җиңүчеләрне сайлап алачак.

Татарстан башкаласының 19 нчы гимназиясе каршындагы “LF School” үзәгендә шушы көннәрдә инглиз теленнән халыкара имтихан кабул итү буенча быелгы беренче сессия узды. Үзәктән хәбәр итүләренчә, 2014 ел дәвамында барлыгы шундый 6 имтихан сессиясе үткәреләчәк. Чираттагысы 5 апрельгә билгеләнгән.

2-4 март көннәрендә Свердловски өлкәсенең Түбән Серга, Артин, Ачыт, Красноуфим районнарыннан бер төркем җитәкчеләр һәм белгечләр эшлекле сәфәр белән Татарстан Республикасында булды. Делегацияне Татарстан Республикасының Свердловски өлкәсендәге даими вәкиле Ринат Риват улы Садриев җитәкләде.

Татарстан Республикасында мәктәпкәчә белем бирү оешмалары мөгалимнәре арасында уздырылучы “Ел тәрбиячесе-2014” һөнәри бәйгесе дәвам итә. Республика муниципаль районнары үзләренең 3 иң яхшы тәрбиячесен бәйгенең зона этапларында катнашырга җибәрә.

Бәйгене үткәрү мәйданчыгы итеп М.Устинова исемендәге 102-нче номерлы гимназия сайланган. Татарстанда 2014 елда иң яхшы укытучы, тәрбияче, сыйныф җитәкчесе һәм укытучы-китапханәчене ачыклау максаты белән республикакүләм һөнәри осталык бәйгесе старт алды.