ЯҢАЛЫКЛАР

Питрәч районының Шәле авылында төпләнгән чегән Николай Болтушов гаиләсе, татар телен өйрәнсеннәр дип, балаларының мәктәп программасын яңабаштан үзләштерүләрен тели. Шуның өчен беренче һәм икенче сыйныфны тәмамлаучы улы Давид белән кызы Джульетта һәм 7 яше тулган Фәрит (өченче баласына татар исеме кушылган) өчәүләшеп беренче сыйныфка барачаклар.
Яңа уку елы башлангач кына Шәле авылына урнашкан Болтушовлар гаиләсе биредәге мәк¬тәптә русча белем бирәләр дип уйлаган.

Татар телен дәүләт җитәкчеләре ярдәм иткән очракта гына саклап калып, үстереп булачак, дип белдерде Татарстан республикасы Дәүләт Советы депутаты Азат Зыятдинов. Бу фикерне ул «Татарстан республикасы милли мәгарифе үсешендә халыкара багланышлар» дигән фәнни-гамәли конференциядә әйтте.

Лениногорски муниципаль районында быел өч мәктәп – 3 нче, 6 нчы һәм Чкалов исемендәге Шөгер мәктәбе ремонтлана. Чкалов исемендәге мәктәптә капиталь ремонт 23 мартта ук башланган. Әлеге мәктәп төзелгәнгә – 78 ел.

“Россия төбәкләрендә татар телен өйрәнү проблемалары һәм заманча алымнар” – Татар федераль милли-мәдәни мохтариятнең бүген “Казан” гранд-отелендагы “Габдулла Тукай” конференцияләр залында татар телендә барган VII конференциясендә шушы темага сөйләшү булды. Анда Россия төбәкләрендә татар теле һәм әдәбиятын укыту мәсьәләләре, дәреслекләр табу, укытучы-белгечләр әзерләү һ.б. проблемалар күзгатылды, киңәш-табыш ителде.

Владимир Путин чит илләр вузларында алган дипломнарны Россиядә кабат теркәтүгә кагылышлы карарга кул куйды. Хәзер дөньякүләм абруйлы 3 рейтингка кергән чит ил вузларын тәмамлаучыларга безнең илдә дипломнарын таныту белән шөгыльләнергә туры килмәячәк.

РФ Мәгариф һәм фән министрлыгының агымдагы елның февраль аенда дөнья күргән боерыгы нигезендә, Россия мәктәпләренә кабул итү ике этапта оештырыла. Теге бу мәктәпкә беркетелгән микрорайонда яшәүчеләр өчен бу уку йортына язылу, 1 марттан башланып, 31 июльгә кадәр дәвам итә. Калганнар өчен 1 августтан алып 5 сентябрьгә кадәр вакыт билгеләнгән.

Татарстан Республикасы Министрлар Кабинетының 2010 ел, 2 ноябрь, 880 нче номерлы “Татарстан Республикасы дәүләт хакимияте башкарма органнары тарафыннан дәүләт хезмәтләрен күрсәтүнең административ регламентларын төзү һәм раслау тәртибе һәм Татарстан Республикасы Министрлар Кабинетының кайбер карарларына үзгәртүләр кертү турында” карары буенча “Балигъ булмаганнарның хокукын саклау” бүлегендә бәйсез экспертиза үткәрү өчен попечительлек өлкәсендә муниципаль хезмәтләр күрсәтүнең административ регламент проектлары урнаштырылды.

24 апрель К.Тинчурин исемендәге театр бинасында иртәдән үк милли моңнар агылды, җыр-биюләр театр фойесында тынып тормады. Россия киңлекләрендә милли орлыклар чәчүче педагоглар Татарстандагы коллегалары белән очрашты, фикер алышты, тәҗрибә уртаклашты.

26 һәм 27 апрель көннәрендә сәгать14.00-17.00 кадәр Татарстан Республикасы Иҗтимагый палатасының халыкны кабул итү бүлмәсендә “Балаларның җәйге ялларын оештыру” дигән темага халыкны кабул итү булачак.

Ул очракта имтихан тотучыларга якындагы күрше районда сыналырга туры киләчәк. Вузга керү өчен кирәкле ирекле имтиханнарга кагыла бу.