ЯҢАЛЫКЛАР

17 ноябрьдә Татарстанның барлык мәктәпләрендә дә парламент дәресләре уздырыла.
Мондый дәресләр ел саен ТР Дәүләт Советы инициативасы белән ТР Мәгариф һәм фән министрлыгы тарафыннан үткәрелә. Быел парламент дәресе 6 нчы тапкыр була һәм ул парламентның 20 еллыгына багышлана.

17-19 ноябрьдә республика олимпиада үзәгендә III республика тарихи-хокукый турнир була. Анда Казан, Чаллы шәһәрләреннән, шулай ук Мамадыш, Лениногорск, Түбән Кама, Кукмара, Югары Ослан һәм Балтач районнарыннан сайлап алу турларыннан узган 18 команда катнашачак. Турнир барышында 9-11 сыйныф укучылары тарих һәм хокук буенча тупланган белемнәрен тәҗрибәдә кулланырга өйрәнәчәк, фәнни эзләнүләрнең төп юнәлешләре белән танышачак, яңа фәнни-тикшеренү алымнарын үзләштерәчәк.

 

Мәктәпләрдә укытучылар гадәттә бирә торган хисаплар саны быел 25 процентка, ә балалар өчен уздарыла торган мәдәни чаралар 30 процентка кыскартылган. Бүген ТР Мәгариф һәм фән министрлыгында узган очрашуда ТР Премьер –министр урынбасары - ТР мәгариф һәм фән министры Энгель Фәттахов тулырак тукталып үтте.

Казанда дүрт ел рәттән үткәрелеп килгән "Фикерләр очышы" телевизион конкурсы 2014 елдан башлап 12нче тапкыр уздырыла торган авиация һәм һавада очу тарихы буенча А.Ф.Можайский исемендәге халыкара олимпиаданың төбәк туры була. Ярышлар 1 октябрьдән 30 апрельгә кадәр дәвам иттерелә.

2014 елның 1нче октябреннән 31нче октябрьгә кадәрге вакыт аралыгында Татарстан Мәгариф һәм фән министрлыгының Мәгариф өлкәсендә күзәтчелек һәм контроль департаментына 61 мөрәҗәгать кабул ителде, шул исәптән 29 мөрәҗәгать ришвәтчелек очраклары турында (алар түбәндә таблица формасында күрсәтелгән). 4 мөрәҗәгать буенча фактлар расланды, тагын 2 мөрәҗәгать өлешчә расланды, 15 әлегә тикшерелә.

Кичә Московский шәһәрендә (Мәскәү составына керә) “Россиянең ел тәрбиячесе-2014” бөтенроссия һөнәри осталык конкурсы финалының 10 лауреаты исемнәре игълан ителде. Бу исемлеккә конкурсның төбәк этаплары җиңүчеләре – иң яхшы 62 тәрбияче арасында үткәрелгән бәйге сынауларында югары нәтиҗәләр күрсәткән Казанның 151 нче балалар бакчасы укытучы-логопеды Виолетта Тарасова да кергән.

10-12 ноябрьдә Казан милли тикшеренү технологияләр университеты базасында беренче Фән фестивале үтте. Фестивальдә катнашучылар «IT-парк»та, «Идея» технопаркында, «Химград» технополисында булдылар. Биредә алар әлеге фәнни үзәкләр эшчәнлеге белән танышты һәм үзләрен берникадәр дәрәҗәдә булачак галимнәр итеп хис итә алды.

10-15 ноябрьдә Мәскәүдә “Россия Ел тәрбиячесе -2014” V Бөтенроссия һөнәри осталык конкурсының йомгаклау этабы уздырыла, анда Россиянең 62 төбәгеннән тәрбиячеләр катнаша. Конкурста Казанның 151 нче балалар бакчасы укытучы логопеды Виолетта Тарасова Татарстан Республикасы данын яклаячак. Шуңа кадәр ул “ТР Ел тәрбиячесе-2014” республикакүләм конкурсында җиңгән.

Ел саен 10 ноябрьдә, бөтен дөньяда фәннең файдасын арттыру максатында, Бөтендөнья фән көне билгеләп үтелә. Бу көн ял көне дип игълан ителмәсә дә, барлык илләрдә Бөтендөнья фән көне белән бәйле чаралар уздырыла.

8 ноябрьдә Саров шәһәрендә югары сыйныф укучылары арасында “А.Н. Колмогоров истәлегенә кубок” дип исемленгән XVIII Халыкара математика турниры узды. Әлеге турнирда республикабыз данын яклаган тугызынчы сыйныф укучылары (Әмир Ягудин һәм Камилә Мөхәммәтшина, Артур Бикеев (Казан шәһәренең 113нче лицее), Алия Хәсәнова (Казан шәһәренең 19нчы гимназиясе), Яков Шубин һәм Рәсүл Хакимуллин (Яр Чаллы шәһәренең 26нчы гимназиясе)) беренче урынны яулады һәм яшүсмерләр лигасында Кече кубок белән бүләкләнде.