ЯҢАЛЫКЛАР
Казанда яңа уку елы башында 18нче гимназиядә яңа уку корпусы ачылачак, анда татар телендә укытачаклар. Хәзерге вакытта корпуста бизәү эшләре тәмамлана, эшчеләр җиһазлар ташый. Объектның әзерлеген бүген Татарстан башкаласы мэры Илсур Метшин бәяләде.
Татарстан укучылары, ата-аналары һәм педагоглары башлангыч сыйныф укучылары өчен мәктәп формасының иң яхшы эскизын әзерләүдә катнашырга чакыралар. Әлеге Бөтенроссия конкурс ике категориядә — сигез яшьтән алып 18 яшькә кадәрге мәктәп укучылары, шулай ук педагоглар һәм ата-аналар арасында узачак.
Мәгариф һәм фән министрлыгы мәктәп укучыларының олимпиадаларын үткәрү тәртибенә үзгәрешләр кертте. Ведомствода хәбәр итүләренчә, бу олимпиада хәрәкәтенең эшен ачыграк һәм нәтиҗәлерәк итәчәк.
2022-2024 елларда мәктәп укучыларын фәнни-техник иҗатка тарту проектын гамәлгә ашыру буенча чаралар планы тормышка ашырылачак. Аның максатларының берсе – техник һәм табигый-фәнни юнәлештәге өстәмә белем алу мөмкинлеген һәм сыйфатын арттыру.
Һөнәри белем бирүне үстерү институты һәм гуманитар проектлар фонды – «Киләчәккә Билет» проекты операторы арасында хезмәттәшлек турында килешүгә кул куелды.
Россия мәктәпләрендә укучыларны финанс грамоталылыгына өйрәтә башлыйлар. Дәресләрне математика, җәмгыять белеме һәм әйләнә-тирә дөнья дәресләре аша кертү планлаштырыла. Хәзерге вакытта Үзәк банк үз киңәшләре белән 70тән артык сценарий эшләгән инде.
Татарстан педагоглары Россиядә «иң күренекле һәм заманча укытучы» исеменә дәгъва кыла алачак. «Ел укытучысы» бәйгесендә катнашу өчен гаризалар 10 августка кадәр кабул ителә. Бу хакта ТР Мәгариф һәм фән министрлыгының матбугат хезмәте хәбәр итә.
«Свияжские холмы» спорт-сәламәтләндерү комплексында халыкара Президент академиясенең Җәйге кампусы тәмамланды. Ул ике атнага дөньяның 200дән артык сәләтле студентын берләштерде.
Бу көннәрдә ТР Дәүләт төзелешен күзәтү инспекциясенең Әлмәттәге 1224 укучыга исәпләнгән урта гомуми белем бирү мәктәбендә йомгаклау тикшерүе уза.
Казанның сәламәтлек мөмкинлекләре чикле балалар тәрбияләүче гаиләләре бушлай таксидан файдалана алачак. Проект «Бергә булдырабыз» хәйрия фонды тарафыннан гамәлгә ашырыла.