ЯҢАЛЫКЛАР
25 июньдә «Чыгарылыш'22 җиңү марафоны» Бөтенроссия чыгарылыш кичәсе узачак. Балаларга котлау сүзләре белән Россия Федерациясе мәгариф министры Сергей Кравцов мөрәҗәгать итәчәк. Турыдан-туры эфирга эшчәнлекнең төрле өлкәләрендә яхшы нәтиҗәләргә ирешкән чыгарылыш сыйныф укучылары, шулай ук укытучылар, мәктәп директорлары һәм бөтен илдән ата-аналар чыгачак.
Татарстанда инде дөнья дәрәҗәсендәге фәнни-мәгариф үзәге эшли. Ул дәүләт ярдәме алу максатыннан республиканың нефть, газ, химия комплексы предприятиеләрен югары уку йортлары һәм фәнни оешмалар белән берләштерә
Бүген, 2022 елның 23 июнендә, чыгарылыш сыйныф укучылары мәҗбүри фән - рус теле буенча БДИ тапшыралар. Имтиханга барлыгы 524 катнашучы, шул исәптән узган елгы чыгарылыш сыйныф укучылары, Дәүләт имтихан комиссиясе карары буенча кабаттан документаль (авыру, сәламәтлек буенча имтиханны вакытыннан алда тәмамлау) сәбәпле кертелгән БДИда катнашучылар, шулай ук төп датада рус теле буенча канәгатьләнерлек булмаган нәтиҗә алган, әмма математика буенча мәҗбүри БДИны уңышлы тапшырган агымдагы ел чыгарылыш сыйныф укучылары гариза биргән.
22 июньдә КНИТУ-КАИда РФЯЦ-ВНИИЭФ ФДУП директоры урынбасары Сергей Жижин яңа үзәкнең төп эш юнәлешләрен тәкъдим итте һәм КНИТУ-КАИ галимнәре һәм җитәкчелеге белән фәнни һәм мәгариф программаларында хезмәттәшлек форматы турында сөйләште.
Информатика һәм ИКТ буенча БДИ 20 һәм 21 июньдә төп имтихан чорында катнашучылар өчен узды. Икенче ел бу имтихан компьютер формасында үткәрелә. Ике көндә дә имтихан штат режимында, җитди өзеклекләр һәм тәртип бозуларсыз үткәрелде.
Казанның ике мәктәбендә янгынга каршы сигнализацияне монтажлауга шәһәр бюджетыннан 5,3 млн сумнан артык акча юнәлдереләчәк. Тиешле тендер дәүләт сатып алулары сайтында урнаштырылган.
Татарстанның 12 гомуми белем бирү мәктәбендә капиталь ремонт республика бюджетына 546,8 млн. сумга төшәчәк. Тиешле тендер дәүләт сатып алулары сайтында урнаштырылган.
РФ Дәүләт һәм шәхси балалар лагерьлары инвалид һәм төрле сәламәтлек бозылулары булган балалар өчен ял итү шартлары булдыруга грантлар ала алачак. Бу максатларга 2022-2024 елларда федераль бюджеттан «Уңайлы мохит» программасы буенча 210 млн сум акча юнәлдереләчәк — ел саен 70 әр млн сум, дип хәбәр ителә Россия Федерациясе Хөкүмәте сайтында.
Идел буе физик культура, спорт һәм туризм университеты Россиянең спорт вузларының топ-3легенә керде.
А.С. Пушкин исемендәге Дәүләт рус теле институты Россия Мәгариф һәм фән министрлыгы ярдәме белән «Дөньяда Рус теле илчеләре» халыкара программасы волонтерларын җыя.