ЯҢАЛЫКЛАР
Яр Чаллының яңа микрорайоннарында балалар бакчаларында ясле төркемнәр урыннарына кытлык элеккечә кала. Яшьлек, Замелекесье һәм Прибрежный аеруча кытлык кичерә. Урыннар кытлыгы турында мәгариф идарәсе җитәкчесе Рөстәм Хуҗин хәбәр итте.
10 март Мәгариф, мәдәният, фән һәм милли мәсьәләләр комитеты утырышы узды. Анда депутатлар туган телләр буенча дәреслекләрне үзләштерү һәм федераль исемлеккә кертү проблемаларын хәл итү юллары турында фикер алыштылар һәм кайбер мәсьәләләрне карадылар. Утырыш эшендә ТР Дәүләт Советы Рәисе урынбасары Марат Әхмәтов катнашты.
1 марттан чыгарылыш сыйныф укучыларын эшкә урнаштыру университетларның аккредитация мониторингын узганда иң мөһим критерийларының берсе булды. Бу мәсьәләне нәтиҗәле хәл итү-белем бирү оешмаларының икътисадның реаль секторы вәкилләре белән хезмәттәшлеге.
Яр Чаллы балалар бакчаларында мөмкинлекләре чикләнгән балалар өчен төркемнәр оештырылачак. Бу хакта Мэриядә узган матбугат конференциясендә мәгариф идарәсе башлыгы Рөстәм Хуҗин хәбәр итте.
РФ Президенты Владимир Путин җәйге лагерьда балалар ялына тотылган акчаларны кире кайтару программасын май аена кадәр эшләргә кушты. Бу хакта РИА Новости хәбәр итә.
«Россия — мөмкинлекләр иле» Президент платформасы проектларының берсе — «Минем илем – минем Россия» Бөтенроссия конкурсының XIX сезоны башланды. Быел бу чара халыкларның мәдәни мирасына багышлана.
Бүген 19:00 сәгатьтә (Мәскәү вакыты белән) «Мәгълүмати манипуляция. Балаларны ничек якларга?» дигән темага семинар узачак.
Татарстанда белем бирү учреждениеләренең бары тик 32 проценты гына шәхси сак предприятиеләре тарафыннан саклана. Бу хакта ТР Мәгариф һәм фән министры урынбасары Рамил Хәйруллин ТР Дәүләт Советының Законлылык һәм хокук тәртибе комитеты утырышында хәбәр итте.
Иннополис Университетында 7-11 сыйныф укучылары өчен математика буенча Innopolis Open олимпиадасы тәмамланды. Йомгаклау этабында Россиядән 69 катнашучы һәм Болгариядән, Израильдән, Босния һәм Герцеговинадан, Көньяк Африка Республикасыннан, Сербия һәм Үзбәкстаннан 9 катнашучы көч сынашты. Казан, Чаллы, Түбән Новгород, Ульяновск, Улан-Удэ, Ижау, шулай ук Израиль, Босния һәм Герцеговина һәм Сербия спортчылары призерлар булдылар.
Татарстанга мәктәпләрне матди-техник яктан тәэмин итү өчен 3,6 млрд. сум кирәк. Бу хакта ТР Мәгариф һәм фән министры урынбасары Рамил Хәйруллин ТР Дәүләт Советының Законлылык һәм хокук тәртибе комитеты утырышында хәбәр итте.