ЯҢАЛЫКЛАР
Бүген, 22 нче февральдә, ТР мәгариф һәм фән министры Илсур Һадиуллин муниципаль мәгариф идарәсе органнары җитәкчеләре белән видеоконференция режимында республика киңәшмәсе үткәрде. Киңәшмә барышында мәгариф системасының аеруча актуаль мәсьәләләре буенча фикер алыштылар.
Татарстанда 1 марттан 15 апрельгә кадәр PROинтерес беренче һөнәри юнәлеш фестивале цифрлы форматта узачак. Анда 10 яшьтән 21 яшькә кадәрге яшьләр катнаша ала. Бу хакта матбугат конференциясендә фестиваль җитәкчесе Марат Исмәгыйлев хәбәр итте.
Нурлат балалар йортында Ватанны саклаучылар көне алдыннан батырлык һәм хокукый тәрбия дәресе үткәрелде. «Боевое Братство» ветераннар бөтенроссия иҗтимагый оешмасының Яшел Үзән бүлекчәсе рәисе Руслан Хәсәнов һәм «Форпост» Зеленодольск Үзәге директоры Екатерина Сметанина балаларга Ватанны саклау сагында торган һөнәрләр турында сөйләделәр.
Түбән Кама химия-технология институты базасында 2,5 млрд сумга яңа фәнни-мәгариф кампусы барлыкка киләчәк. Бу хакта «эшлекле дүшәмбе»дә Түбән Кама муниципаль районы башкарма комитеты җитәкчесе Рамил Муллин хәбәр итте.
18, 21 февральдә Чирмешән һәм Әлмәт районнары «Ел тәрбиячесе» республика һөнәри конкурсының югары һөнәри этабында катнашты.
Балалар бакчалары мәгариф учреждениеләре булып тора, шуңа күрә алар киң полосалы интернет һәм Wi-Fi белән җиһазланган булырга тиеш.
18 февральдә Муса Җәлил исемендәге Минзәлә педагогика көллияте базасында Муса Җәлил исемендәге Х республика фәнни-гамәли конференциясе узды.
Узган биш ел эчендә Татарстан башкаласында яшәүчеләр өчен 7,5 мең урынга исәпләнгән 34 яңа балалар бакчасы төзелгән. Шуларның 2021 елда сигез балалар бакчасы төзелде. Казан шәһәре Думасының XII сессиясендә шундый мәгълүматлар китерелде.
23 нче февраль - татар халкының горурлыгы булган сынчы, скульптор, график, архитектор Бакый Идрис улы Урманченың туган көне. Якташларының 125 еллык юбилее уңаеннан туган якны өйрәнү музеенда "Бакый Урманче - халкым күнелендә" исемле искә алу кичәсе үткәрелде.
2024 елга һәр мәктәптә спорт клубы төзеләчәк. Хәзер инде бу эш 21 мең мәктәптә бара. Бу хакта Россия мәгариф министры Сергей Кравцов «Педагогик хезмәткәрләрнең һөнәри сәламәтлеге культурасын формалаштыру технологияләре» Бөтенроссия фәнни-гамәли конференциясендә хәбәр итте.