ЯҢАЛЫКЛАР
Питрәч районының Көек авылында 340 урынга исәпләнгән яңа балалар бакчасы төзелеше дәвам итә. Объект «Гаилә» илкүләм проекты кысаларында төзелә.
7 июльдә «Россия сегодня» Халыкара мультимедиа матбугат үзәгендә 2025 елгы БДИның башлангыч нәтиҗәләренә багышланган матбугат конференциясе узачак.
Казанның Киров районындагы 81 нче мәктәп территориясендә 1 сентябрьгә заманча спорт мәйданчыгы төзиячәкләр.
Серов урамындагы инклюзив бульвар территориясендә рус ишарә теле нигезләре буенча бушлай дәресләр сериясе узачак.
Казан (Идел буе) федераль университеты илнең әйдәп баручы юридик вузларының берсе икәнлеген кабат раслады: 2025 елның 3 июлендә бастырылган SuperJob рейтингы нәтиҗәләре буенча КФУ тәмамлаган юристлар иң югары хезмәт хаклары алу буенча Россия университетлары исемлегендә җиденче урынны алды.
2025 елның 3 һәм 4 июлендә БДИның өстәмә көнендә чыгарылыш сыйныф укучылары үз теләкләре белән быел тапшырылган имтиханнарның берсен яңадан бирә алачаклар. Әлеге хокук узган елларны мәктәп тәмамлаучыларга кагылмый.
2 - 3 июль көннәрендә Түбән Новгородта Бөтенроссия сыйныф җитәкчеләре форумының төбәк этабы - бөтен Идел буе федераль округы укытучыларын берләштергән масштаблы һөнәри чара уза.
Россия югары уку йортларында кабул итү кампаниясе бара. Быел анда яңалыклар барлыкка килде. Шулай да югары уку йортлары әле һаман да абитуриентларның индивидуаль казанышлары өчен өстәмә баллар өсти ала.
Яшел Үзән шәһәренең музыка укытучысы Резедә Хисамова үз укучыларына гына түгел, ә махсус хәрби операциядәгеләргә дә ярдәм итә. Укытудан буш вакытта ул «СВОих не бросаем» волонтерлар төркеме фикердәшләре белән бергә маскировка челтәрләре үрә.
Программа 2025 елның июленнән ноябренә кадәр дәвам итәчәк. Ул онлайн-форматта белем бирү программасы, туган телләрне алга этәрүче фикер лидерлары, креатив индустрияләр вәкилләре һәм башка спикерлар белән очрашулар, лагерьда күчмә интенсив һәм башка бик күп нәрсәләрне үз эченә ала.