ЯҢАЛЫКЛАР
2020 елда «Сириус» белем бирү республика үзәгенең барлык программалары буенча 12 мең 826 бала укыган.
Балалар бакчаларындагы бәйрәм кичәләрен аерым төркемнәрдә генә үткәрергә була. Аларда әти-әниләр дә катнаша ала, тик бер шарт беләнә: бер олы кеше бер бала янында булырга мөмкин. Шул ук вакытта алар битлек режимын сакларга һәм социаль дистанцияне үтәргә, шулай ук керү алдыннан тән температурасын үлчәтергә тиеш. Бу хакта «Татар-информ» мәгълүмат агентлыгында узган матбугат конференциясендә Роспотребнадзорның ТР буенча идарәсе матбугат секретаре Миләүшә Җамалиева сөйләде.
"Сириус" белем бирү үзәге моделе буенча республика үзәге 2021 һәм 2022 елларда профильле һәм дистанцион программаларда катнашучылар санын, шулай ук түгәрәкләрне 25%ка арттырырга планлаштыра.
Идел буе дәүләт физкультура, спорт һәм туризм академиясе бүлекчәләренең берсен Спорт медицинасы фәнни-тикшеренү институтына үзгәртергә җыена. Бу хакта Андрей Кузьминга биргән интервьюсында академия ректоры вазыйфаларын башкаручы Рафис Борһанов сөйләде.
ГХФның Үзәк штабы рәистәше, РФ Президенты каршындагы Фән һәм мәгариф Советы әгъзасы, «Талант һәм уңыш» мәгариф фонды җитәкчесе Елена Шмелева бүген «Сириус»моделе буенча сәләтле балаларны һәм яшьләрне ачыклау һәм аларга ярдәм итү Республика үзәгенең лаборатория корпусында булды. Ул билгеләп үткәнчә, «анда уникаль мохит булдырылган, ул Татарстанның һәр баласы мәнфәгатьләрендә үсәргә тиеш».
Бүген Татарстан Республикасы Президенты Рөстәм Миңнеханов «Талант һәм уңыш» мәгариф фонды җитәкчесе Елена Шмелева белән очрашты. Очрашу Татарстан Республикасы Хөкүмәте йортында узды.
Татарстанда өч яшькә кадәрге балалар өчен мәктәпкәчә белем алу мөмкинлеге бер ел эчендә 72,3% ка кадәр арткан. 2019 елда бу күрсәткеч 67,5% тәшкил итте. Бу хакта ТР мәгариф һәм фән министрлыгының мәктәпкәчә белем бирү бүлеге башлыгы Эльвира Измайлова Министрлык каршындагы Иҗтимагый совет утырышында хәбәр итте.
Мамадышның 1 нче мәктәбе укучысы һәм балачак һәм яшүсмерләр йортында тәрбияләнүче Рөстәм Сафин Д.И. Менделеев исемендәге Бөтенроссия фәнни-тикшеренү эшләре конкурсы финалында чыгыш ясады һәм өченче урынны яулады.
Татарстан Республикасы Президенты каршындагы Фән һәм техника өлкәсендә Татарстан Республикасы Дәүләт премияләре буенча комиссия фән һәм техника өлкәсендә 2021 елда Татарстан Республикасы Дәүләт премияләренә дәгъва кылуга эшләр кабул итү башлануы турында хәбәр итә. Эшләр 2021 елның 1 мартына кадәр кабул ителә.
Татарстанның Мамадыш районының ике мәктәбендә шахмат зоналары ачылды. Алар республиканың гомуми белем бирү оешмаларында шахмат зоналары ачу буенча «Бердәм Россия»нең махсус проектын гамәлгә ашыру кысаларында оештырылды.