ЯҢАЛЫКЛАР
Мәгариф министрлыгы ТДИ-2021 (9 нчы сыйныфларда имтиханнар – иск.) үткәрү тәртибен билгели торган боерык проектын әзерләде. Документ иҗтимагый фикер алышу өчен бастырып чыгарылган.
Мәгариф һәм фән министрлыгы Фән һәм технологияләр елының һәр ае тематикасын бастырып чыгарды.
2021 елның 1 мартында «Мәгариф» илкүләм проектының «Заманча мәктәп» федераль проектын тормышка ашыру кысаларында Россия Мәгариф министрлыгы карамагындагы Балалар хокукларын һәм мәнфәгатьләрен яклау үзәгенең ата-аналарга (законлы вәкилләргә), шулай ук ата-ана тәрбиясеннән мәхрүм калган балаларны үз гаиләләренә тәрбиягә алырга теләгән гражданнарга психологик-педагогик, методик һәм консультатив ярдәм күрсәтү буенча кайнар линиясе эшли башлый.
Бердәм дәүләт имтиханы (БДИ) һәм 11 сыйныфны тәмамлаучылар өчен дәүләт чыгарылыш имтиханында катнашучылар, шул исәптән сәламәтлек мөмкинлекләре чикләнгән балалар, инвалид балалар һәм инвалидлар, элек сайлап алынган имтиханнар формасын үзгәртә алачаклар. Мондый мөмкинлек Россия Мәгариф министрлыгы һәм Мәгариф һәм фән өлкәсендә күзәтчелек буенча федераль хезмәтнең «2021 елда урта гомуми белем бирү программалары буенча дәүләт йомгаклау аттестациясен үткәрү үзенчәлекләре» уртак боерыгы проектында каралган.
Россия Федерациясе Мәгариф министрлыгы һәм Гомумроссия мәгариф профсоюзы Россия Федерациясе Хезмәт һәм социаль яклау министрлыгына педагогик хезмәткәрләрне яңа коронавирус инфекциясеннән вакцинацияләү мәсьәләләре буенча өстәмә аңлатмалар бирү үтенече белән мөрәҗәгать иттеләр.
Яшел Үзәннең Мирный микрорайонында 1224 урынга исәпләнгән яңа мәктәп һәм 260 урынлы балалар бакчасы барлыкка киләчәк. Бу хакта Муниципаль район советы һәм дүртенче чакырылыш Шәһәр советының бишенче уртак сессиясендә район башлыгы Михаил Афанасьев хәбәр итте.
Җомга көнне, 26 февральдә, 10:30дан 11:30га кадәр, Татарстан Республикасы Министрлар Кабинетында Татарстан Республикасы балалар һәм яшьләренең интеллектуаль-иҗади потенциалын үстерү һәм гамәлгә ашыру концепциясен гамәлгә ашыру буенча ведомствоара координация советы - "Перспектива" - Сәләтле балаларны һәм яшьләрне "Сириус" белем бирү үзәге моделе буенча ачыклау һәм аларга ярдәм итү Республика үзәгенең Попечительләр советы утырышы узачак.
2021 елның 26 мартында старт ала торган «Зур тәнәфес» Бөтенроссия мәктәп укучылары конкурсының икенче сезоны алдыннан бөтен Россия буенча аңа багышланган мәгълүмат кампаниясе узачак. Аның автордашлары – «Зур тәнәфес»нең беренче сезонында катнашучылар. Конкурс Россия Федерациясе Мәгариф министрлыгы ярдәме белән үткәрелә.
Татарстанда биналарына капиталь ремонт таләп ителми торган балалар бакчалары саны артты. 2020 ел ахырына мондый мәктәпкәчә мәгариф оешмалары өлеше 81,6% тәшкил итте.
Түбән Кама балалар йортында героик-патриотик тәрбия бирү буенча акция узды. Ай дәвамында учреждениедә Ватанны саклаучылар көненә багышланган чаралар үткәрелде. Акциянең соңгы аккорды булып хәрби җырларны сәхнәләштерү буенча конкурс үтте.