ЯҢАЛЫКЛАР
Россиядә бердәм дәүләт имтиханын уздыру вакыты кабат кичектерелә. Бу турыда РИА Новости Россия Мәгариф министрлыгына сылтама белән хәбәр итте.
Казан федераль университетының Н.И. Лобачевский исемендәге лицейның 9 нчы сыйныф укучысы Айдар Баһаветдинов - химия буенча мәктәп укучыларының «Газпром» тармак олимпиадасының 2 нче дәрәҗә дипломы иясе.
12 майда Россиядә Экологик белем көне билгеләп үтелде. Максаты барлык фәннәрдә һәм кеше эшчәнлегенең барлык өлкәләрендә экологик белемнәрне актуальләштерү булган әлеге бәйрәм 1991 елда гамәлгә керде.
БДИ күчерелә. Димәк, чыгарылыш укучыларының әзерләнергә вакытлары күбрәк була. Иң массакүләм предметларның берсе - әлегә мәҗбүри рус теле. Һәм анда иң "саллы" һәм катлаулы биремнәрнең берсе - инша (27 нче бирем). Аны максималь баллга ничек язарга? Мәктәпне тәмамлаучыларга киңәшне БДИ эксперты, Мәскәү шәһәренең рус теле һәм әдәбияты укытучылары ассоциациясе рәисе Роман Дощинский бирә.
13 майда 12:00дә "Өй сәгате" онлайн-марафонының беренче эфиры старт ала, аны җәмгыять белеме буенча төбәк предмет комиссиясе рәисе, Волгоград дәүләт социаль-педагогика университетының хокук һәм укыту методикасы кафедрасы доценты Анна Хорошенкова үткәрәчәк.
Күп кенә илләрне басып алган COVID-19 коронавирусы эпидемиясе халыкара спорт һәм мәдәни чаралар расписаниесенә төзәтмәләр кертүне дәвам итә. Хәзер үзгәрешләр IFTE педагогика белеме буенча халыкара форумга да кагылды, ул Казан федераль университетында алтынчы тапкыр узарга тиеш иде.
Казан федераль университетында 2020 елда кабул итү кампаниясе мәсьәләләре буенча турыдан-туры эфир оештырыла. Чара 15 майда 14:00 сәгатьтә (Мәскәү вакыты буенча) берьюлы берничә онлайн-платформада узачак.
Россия югары уку йортлары студентлары май бәйрәмнәреннән соң дистанцион режимда белем алуын дәвам итә.
Хөрмәтле әти-әниләр! Социаль челтәрләрдә 2020 елның 1 сентябреннән мәктәпләрдә уку традицион рәвештә түгел, ә дистанцион форматта башланачагы турында ялган мәгълүмат тарату дәвам итә. Бу дөрес түгел. Әлеге мәгълүматка ышанмавыгызны һәм аны тарату белән шөгыльләнмәвегезне сорыйбыз.
Бердәм дәүләт имтиханын үткәргән вакытта укучыларны зигзагсыман утырту һәм сынау башланганчы температураларын үлчәү күздә тотыла. Россия мәгариф министры урынбасары Дмитрий Глушко «Родительский вопрос» программасы эфирында шулай дип белдерде.