ЯҢАЛЫКЛАР
2020 елның 12 маеннан «Мәгарифне үстерү» дәүләт программасын гамәлгә ашыру кысасында «Конкрет өлкәләрне модернизацияләү концепциясен эшләү, мәгарифне үстерү һәм челтәр методик берләшмәләргә ярдәм итү юлы белән яңа федераль дәүләт белем бирү стандарты нигезендә белем бирү технологияләрен һәм эчтәлеген модернизацияләү» юнәлеше буенча Татарстан Республикасы гомуми белем бирү оешмаларының идарәче хезмәткәрләрен (директорларның, директорларның урынбасарларын) укыту башланды.
Фән һәм югары белем министры Валерий Фальков уку йортларының түләүле бүлекләрендә укуга бәяләрне 2019 ел дәрәҗәсендә калдырырга тәкъдим итте. Тәкъдим Россия Ректорлар берлеге утырышы барышында яңгырады. Югары уку йортларында уку өчен түләү мәсьәләсе - дистанцион белем алуга күчү чорында җавап эзләргә туры килә торган иң кискен сорауларның берсе. Көндезге бүлектә укыр өчен килешү төзегән студентларда сораулар күбрәк. Хәзер, алар фикеренчә, барысын да читтән торып укуга кучергәннәр.
28 марттан Россия Мәгариф министрлыгы ярдәмендә үткәрелә торган "Зур тәнәфес" Бөтенроссия конкурсында катнашуга заявка биргән өлкән сыйныф укучылары саны 250 мең кешедән артып китте.
Волонтерлык отрядлары арасында уздырылучы «Яхшылык каникулга китми» бәйгесенең яңа сезоны башланды. Ул Россия мәктәп укучылары хәрәкәте тарафыннан оештырыла. Катнашуга заявкалар кабул ителә башлады.
Мәгариф министрлыгы мәктәп укучылары өчен глобаль мультиплатформалы белем бирү проектын үстерүен дәвам итә. Телетапшырулар ресурслары белем бирү процессында актив кулланыла.
Конкурста 14 яшьтән 30 яшькә кадәрге яшьләр катнаша ала. Катнашучылар https://leader-id.ru/event/48072/ адресы буенча кереп теркәлергә тиеш. Конкурсның максаты - яшүсмерләрдә һәм яшь кешеләрдә үз иленең тарихын өйрәнүгә кызыксыну уяту, үз төбәгенең Бөек Ватан сугышында Җиңүгә, буыннар бәйләнешен ныгытуга багышланган тикшеренү эшләрен уздыру өчен шартлар тудыру.
Казанда "Дәрескә - бергә" федераль социаль проекты кысаларында инклюзив методикалар бәйгесе узды. Быел финал онлайн режимда булды. Әлеге конкурс - инклюзив белем бирү өлкәсендә тәҗрибә уртаклашу мәйданчыгы, анда педагоглар махсус белем бирү ихтыяҗлары булган балаларны белем бирү процессына уңышлы җәлеп итү методикалары белән уртаклашалар.
Россия Мәгариф министрлыгы төбәкләргә уку елын тәмамлау буенча тәкъдимнәр җибәрде.
11 майда мәктәп укучылары өчен "Зур тәнәфес" Бөтенроссия конкурсының яңа тематик атнасы старт алды, ул Россия Федерациясе Мәгариф министрлыгы ярдәмендә уздырыла. "Әйләнә-тирә дөньяны үзгәрт!" атнасы "ВКонтакте" социаль челтәрендә "Зур тәнәфес" бергәлегендә уза һәм шәһәр мохитен үзгәртә торган технологик инновацияләргә багышланган.
7 майда Россия Юстиция министрлыгы Россия Мәгариф министрлыгының 2020 елның 28 апрелендәге 189 номерлы (теркәү № 58273) боерыгын теркәде, аның нигезендә 2019/20 уку елының бөтенроссия олимпиадасы призерлары булып олимпиаданың төбәк этабында катнашкан һәм йомгаклау этабында катнашу өчен баллар җыйган мәктәп укучылары таныла.