ЯҢАЛЫКЛАР

1 марттан Татарстан мәктәпләрендә туган телләрне өйрәнү өчен өстәмә сәгатьләр кертелде.

25 апрельдән 6 июньгә кадәр республика җитәкчелеге Чехиядә “Прага мәктәбе “Сәләт” белем бирү мәктәбе оештырырга җыена. Ни өчен аны нәкъ менә шунда үткәрергә булганнар? Анда яшьләр нәрсә белән шөгыльләнәчәк? Моннан берничә ел элек безнекеләр ул җирлектә белем биреп караган булган. Аның нәти¬җә¬ләре уңышлы дип табылган.

Бүген Казан ратушасында “Казанның иң яхшы ел укытучысы-2014” һөнәри осталык шәһәркүләм конкурсында җиңүчеләрне котлау тантанасы узды.
Бу конкурска,традиция буенча, Халыкара хатын-кызлар көне алдыннан нәтиҗә ясала. Казан мэры Илсур Метшин билгеләп узганча, конкурс номинацияләре саны да, шулай ук катнашучылар да арта.

28 нче февраль көнне Лесхозның “Нарат” боз сараенда мәктәп укучыларының I Спартакиадасы кысаларында тимераякта узышу ярышының республика этабы булып үтте.

Быел барлык тугызынчы сыйныфны тәмамлаучылар татар теленнән мәҗбүри тест үзачак. Татарстан Мәгариф һәм фән министры Энгель Фаттахов әнә шундый эчтәлектәге боерык имзалады.

Татарстанда быел 11нче сыйныфны – 20 мең, ә 9нчы сыйныфны 36 меңнән артык укучы тәмамлый. Укучылар нинди сынау бирәсен 1 мартка кадәр ачык¬лап бетерергә тиеш.

Дүшәмбе, 3 март көнне Татарстан Республикасының Мәгарифне үстерү институты ректоры вазифаларын Равил Хәмитов башкара башлады.

Татарстан Республикасы мәгариф һәм фән министрлыгы Халыкара туган тел декадасы кысаларында Татарстан Язучылар берлеге һәм Г. Ибраһимов исемендәге Тел, әдәбият һәм сәнгать институты галимнәре белән берлектә 2014 нче елның 27 нче февралендә Буа муниципаль районы академик Р.З. Сәгъдиев исемендәге гомуми урта белем мәктәбендә “Киләчәге бар милләт без, Шәхесләргә бай милләт без” исемле II республика фәнни – гамәли конференциясе уздырды.

Чүпрәле тармак технологияләре техникумында оештырылган яшьләр мәгълүмати-инновацион технологияләр үзәгенә йөрүче балалар үзләре дә шакката, кешене дә шаккатыра белә. Алар 3D принтер, сканер, лазер һәм башка төрле заманча техника ярдәмендә нинди генә әйберләр иҗат итми.

2013-2014 уку елында IX сыйныф укучыларының барысы өчен дә дәүләт йомгаклау аттестациясе кысаларында татар теленнән бердәм республика тесты үткәреләчәк. Бу хакта ТР Премьер-министры урынбсары – Мәгариф һәм фән министры Энгель Фәттахов 2013 ел йомгакларына багышланган еллык коллегиядә хәбәр иткән иде. Бу нисбәттән ул боерык та имзалады.