ЯҢАЛЫКЛАР

Россия ислам университетында татар теле, татарлар тарихы һәм ислам нигезләре буенча чираттагы бушлай курслар башлана. Бу хакта РИУ матбугат хезмәте хәбәр итә. Проект «Без татарлар» дип атала. Әлеге курслар Коръәнне гарәп телендә укырга өйрәнергә, ислам, татарларның тарихы турында күзалларга мөмкинлек бирә.

Югары уку йортларында буйга узган кызларның да укып йөрүе белән барыбызның да очрашканы бардыр. Берничә елдан соң вузларда яслеләр барлыкка килсә, лекция укучы профессор тавышын ике-өч айлык сабыйның елавы басып китә торган булса яки төркемдәш кыз, баламны имезәсем бар, дип, пардан иртәрәк чыгып шылса да аптырамабыз, мөгаен.

Хәтерләсәгез, әле Россия Фәннәр академиясе тирәсендә үзгәртеп кору җилләре исә башлагач ук, «академикларны көзен саныйлар» дип язып чыккан идек. Бу сүзләр буш урында барлыкка килмәде, әлбәттә. Көтмәгәндә-уйламаганда, халык фикерен дә сорап тормыйча, закон проектын киң җәмәгатьчелеккә тәкъдим иткәч, күпләр: «Бу канун Фәннәр академиясен юкка чыгаруга юнәлтелгән», – дип белдергән иде.

Узган матбугат конференциясендә Дәүләт Думасында Татарстаннан депутат Илдар Гыйльметдинов Россия Фәннәр академиясен реформалау турындагы законны кабул итү белән бәйле вәзгыятьне шәрехләде.
Искәртеп узабыз, 18 сентябрьдә Дәүләт Думасы РФА реформалау турындагы законны өченче укылышта кабул итте. Документ Фәннәр академиясенең төп вәкаләтләрен билгели, шулай ук аның эшчәнлеге белән идарә итү һәм финанслау тәртибен куя. Бүген документ Федерация Советы тарафыннан хупланды.
Депутатларга РФА реформасы турындагы закон проекты РФ Хөкүмәте тарафыннан тиз кертелүе аңлашылмады, бу мәсьәлә буенча академиклар арасында фикер алышу мөмкинлеге бар иде, дип белдерде Илдар Гыйльметдинов. Беренче укылышта закон проекты кабул ителгәч, ул галимнәр белән бергә эшкәртелде, 70 кә якын төзәтмә аны сизелерлек үзгәртте.

Бөтенроссия сыйфат оешмасы Мәскәү шәһәрендә Сыйфат менеджменты өлкәсендәге 4 Бөтенроссия конкурсына нәтиҗәләр чыгарды. Әлеге конкурста югары бәягә лаек булучылар арасында Татарстан Республикасы вәкиленең булуы куанычлы. «Әлмәт дәүләт муниципаль хезмәт институты» Дәүләт автоном югары һөнәри белем бирү учреждениесе конкурс лауреаты статусына ия булды.

Нәниләрне ике дәүләт теле – рус һәм татар телләренә бердәй яхшы өйрәтә торган балалар бакчалары бик аз. Бигрәк тә шәһәр җирендә андыйлар бармак белән генә санарлык. Казанның 372 санлы мәктәпкәчә тәрбия йорты исә бу мәсьәләдә үрнәк бакчаларның берсе.

Кичә ТР Дәүләт Советының Мәдәният, фән, мәгариф, милли мәсьәләләр комитеты утырышы булып узды. Анда берничә мәсьәлә кү¬тәрелде. Утырышта “РФ Халыклары телләре турын¬да”гы РФ Законына үзгә¬решләр кертү турында”гы Федераль закон проектына киңрәк тукталдылар. Мәсьәлә шактый катлаулы. Бу уңайдан комитет рәисе Разил Вәлиевкә мөрәҗәгать иттек.

Казанда 16-17 сентябрь көннәрендә уза торган “Электрон мәктәп-2013” икенче халыкара конференциясе Россия, АКШ, Корея, Англия, Украина, Казакъстан белгечләрен җыйды. Җыен эшендә ТР Премьер-министры Илдар Халиков, Intel корпорациясе вице-президенты Джон Е.Дейвис, ТР Премьер-министры урынбасары – ТР мәгариф һәм фән министры вазыйфаларын башкаручы Энгель Фәттахов, ТР Премьер-министры урынбасары – ТР мәгълүматлаштыру һәм элемтә министры Роман Шәйхетдинов катнашты.

Чүпрәле муниципаль районының балалар китапаханәсендә “Табигатьне саклау – туган җирне саклау” дигән тематик семинар үтте.
Семинарда чыгыш ясаучылар: балалар белән эшләү буенча директор урынбасары Ирина Мадурова, Татар Шатрашаны авылы китапханәсе җитәкчесе А.Садыкова, Чуваш Бизнәсе авылы китапханәсе җитәкчесе Н.Пустынина, Шланга авылы китапханәсе җитәкчесе Фәридә Сәгъдиева, табигатьне саклау буенча мөһим проблемалар күтәрделәр, актуаль мәсьәләләр хакында фикер алыштылар.
Семинарда, шулай ук, “Табигый материаллардан эшләнгән балалар иҗаты” конкурсына нәтиҗә ясалды. Конкурста барлыгы 39 бала катнашты, алар барысы да - китапханәгә иң актив йөрүче укучылар. Ильяс Сафин, (Марс урта мәктәбе), Люция Байбулатова, (Иске Шәйморза урта мәктәбе) грамоталар белән бүләкләнде.

Азнакай муниципаль районында мәктәпкәчә яшьтәге балалар белән эшләүче хезмәткәрләрнең “Модернизация шартларында мәктәпкәчә яшьтәге балаларга белем бирүне оештыруның актуаль проблемалары һәм инновацион процесслар” темасы буенча конференциясе булды.