ЯҢАЛЫКЛАР

Актаныш муниципаль районының тантаналар залында халыкара, Россиякүләм һәм республика фән олимпиадаларында катнашып, җиңү яулаган район укучыларын, мөгаллимнәрен хөрмәтләү тантанасы узды.

Мөслим муниципаль районындагы мәгълүмати-методик үзәкнең актлар залында мәктәп җитәкчеләре киңәшмәсе булып узды. Киңәшмәдә 2012/2013 нче уку елын оешкан төстә тәмамлау, чыгарылыш сыйныф укучыларына дәүләт (йомгаклау) аттестациясе үткәрү, белем стандартлары һәм программалары үтәлеше турындагы сораулар каралды

Яшел Үзәндәге 3 нче гимназиядә зурлап “Мәңге безнең йөрәкләрдә Тукай” дип аталган бәйрәм үткәрделәр. Үзләре генә түгел, ә шәһәрдәге һәм райондагы башка мәктәпләрдән дә кунаклар чакырып. Дөресрәге, районның мәгариф идарәсе һәм мәгълүмати-методик үзәге тарафыннан инде февраль аенда ук оештырылган Тукай көннәре акциясенә нәтиҗә ясады алар.

Лениногорски муниципаль районының Керкәле төп гомуми белем бирү мәктәбендә беренче тапкыр республикакүләм Җәмит Рәхимов укулары үтте. Фәнни-гамәли конференцияне оештыручылар: Татарстан Республикасы Язучылар Берлеге, Лениногорск муниципаль районы хакимияте, Лениногорск муниципаль районы мәгариф идарәсе, Керкәле төп гомуми белем бирү мәктәбе, галим һәм язучы Әнвәр Хәйри.

2013елның 10-16 маенда республиканың гомум белем мәктәпләре һәм урта профессиональ белем бирү оешмалары укучылары өчен “Яшь программист” XVII республика бэйгесенең йомгаклау этабы узды.

Тукай муниципаль районының Күзкәй мәктәбендә гыйнвар аеннан бирле бер туктамый төзекләндерү эшләре бара. Бу – районда капиталь ремонт программасы буенча яңартыла торган 4 белем йортының берсе. Биредә яңа пластик тәрәзәләр куелган, эчке һәм керү ишекләре алмаштырылган, канализация челтәрләре яңартыла.

Тантаналы чарадаТатарстан Республикасы мәгариф һәм фән министры Энгель Фәттахов катнашты.

РФ төбәкләрендә 22 марттан алып 29 апрельгә кадәр укучылар арасында 21 предмет буенча бөтенроссия олимпиадасының йомгаклау этабы узды.

Спасның 2нче шәһәр урта мәктәбендә район мәгариф учреждениеләренең аш пешерүчеләре арасында һөнәри осталык конкурсы булды. Аш пешерүче һөнәренең абруен күтәрүне, бу тармакта тәҗрибә уртаклашуны максат итеп куйган әлеге чара беренче тапкыр үткәрелде һәм аны мәгариф бүлеге оештырды

Чыгарылыш сыйныф укучыларының “урак өсте” бик якын. Бердәм дәүләт имтиханнарының төп дулкынына бер айдан кимрәк вакыт калып бара. Йомгак аттестациясен алдан тапшыру хокукына ия укучыларның күбесе өчен исә сынаулар инде тәмам.