ЯҢАЛЫКЛАР

Бүген Яр Чаллыда бер үк вакытта яңа 5 балалар мәктәпкәчә белем бирү учреждениесе үз эшен башлады. Тантаналы ачылышта ТР Президенты Рөстәм Миңнеханов катнашты.
ТР Президенты Автошәһәргә эш сәфәре барышында “Яшьлек” микрорайонында яңа 108 нче балалар бакчасында булды. Бүген ачылган калган 4 балалар бакчасы кебек, бу бакча да федераль бюджеттан финанслау белән балалар бакчалары төзү буенча республика программасы нигезендә сафка бастырылган. 260 урынлы балалар бакчасын төзү 138,4 млн.сумга төшкән, шул исәптән 105 млн. сум – республика бюджетыннан һәм 33,4 млн.сум – РФ бюджетыннан.

Бүген IV чакырылыш ТР Дәүләт Советының 52 нче утырышының көн тәртибенә куелган “Хөкүмәт сәгате”нең төп темасы Татарстан Республикасында квалификацияле эшче кадрлар әзерләү системасына багышланган иде. Әлеге мәсьәлә буенча ТР Премьер-министры урынбасары – мәгариф һәм фән министры Энгель Фәттахов чыгыш ясады.

Бүген Татарстан Республикасы Президенты Рөстәм Миңнеханов Бөтенроссия һәм Халыкара олимпиадаларда җиңүчеләр һәм призерлар, аларның укучылары белән очрашты. Очрашуда шулай ук Татарстан Республикасы вице-премьеры – мәгариф һәм фән министры Энгель Фәттәхов, республиканың иң эре югары уку йортлары ректорлары катнашты. Очрашу Мәгариф сыйфатын мониторинглауның республика үзәгендә узды.

6 июньдә Казан Ратушасында туган теле рус теле булмаган балалар арасында рус теле буенча үткән халыкара олимпиадада җиңүчеләрне бүләкләү тантанасы булды. Чарада ТР Дәүләт Советы рәисе урынбасары Римма Ратникова һәм ТР Премьер-министры урынбасары − ТР мәгариф һәм фән министры Энгель Фәттахов башка бик күп мәртәбәле кунаклар катнашты.

Зәй районында дүртенче ел рәттән “Сабыйларга җылылык һәм уңайлылык бүләк итик” максатчан муниципаль программасы тормышка ашырыла. Моның өчен инде 72 миллион сум акча тотылды.

Бүген Татарстанда информатика һәм мәгълүмат-коммуникация технологияләре, биология һәм тарих буенча Бердәм дәүләт имтиханы тапшыра.

1 нче июньнән Татарстанда балаларны 2014-2015 нче елларга мәктәпкәчә белем бирү учреждениеләренә туплау эше башланды. 5 көн эчендә “Электрон балалар бакчасы” автоматлаштырылган мәгълүмат системасы аша балалар бакчаларына юлламаны 12,5 мең бала алган.

Быел ТР Мәгариф һәм фән министрлыгы мәктәп укучылары өчен җәйге ял кысаларында 15 профильле смена әзерләгән. Алар арасында быел гына эшли башлаячак яңа юнәлешләр дә бар. Алар хакында ТР Министрлар Кабинетында узган брифингта ТР мәгариф һәм фән министры урынбасары Светлана Гыйниятуллина сөйләде.

2014 елның 1нче маеннан 31нче маена кадәрге вакыт аралыгында Татарстан Мәгариф һәм фән министрлыгының Мәгариф өлкәсендә күзәтчелек һәм контроль департаментына 30 мөрәҗәгать кабул ителде, шул исәптән 9 мөрәҗәгать ришвәтчелек очраклары турында (алар түбәндә таблица формасында күрсәтелгән).

Саба районының Иске Икшермә кадет мәктәбен базасында, икенче ел рәттән, “Кояшкай” лагере балаларны җыя. Биредә 4 июньдә беренче сменанада ял итә башладылар. 60 укучы – кадет мәктәбеннән, 25 укучы – “Яшьлек” командасының көрәшче малайлар.