ЯҢАЛЫКЛАР

Түбән Кама муниципаль районы һәм шәһәрендә бүгенге көндә 93 балалар бакчасы бар, аларга 16 меңнән артык бала йөри. Соңгы ун ел эчендә беренче тапкыр быел балалар бакчаларына 4200 бала килгән, бу рекордлы сан.

Бүген ТР Премьер-министры Илдар Халиков республиканың Мәгариф һәм фән министрлыгы учреждениеләренә һәм муниципаль районнар мәктәпләренә, Укытучылар көнен бәйрәм итү чаралары кысаларында, автобуслар тапшырды.
“Казан” атлы спорт комплексы мәйданчыгында уздырылган әлеге шатлыклы чарада ТР Премьер-министры урынбасары - ТР мәгариф һәм фән министры Энгель Фәттахов, аның урынбасары Андрей Поминов, республиканың муниципаль берәмлекләре һәм мәгариф идарәләре һәм учреждениеләре җитәкчеләре катнашты.

Ютазы мәктәбе базасында “Муниципаль дәрәҗәдә методик хезмәт системасын үстерү аша педагогик потенциалның мәгълүмати грамоталылыгын күтәрү һәм аны камилләштерү” темасына төбәкара семинар узды. Семинар эшендә икътисад, идарә һәм хокук институтының философия кафедрасы доценты, философия фәннәре кандидаты Галина Блажиевская, икътисад идарә һәм хокук институты доценты, тарих фәннәре кандидаты Эльза Гыйбадуллина, шулай ук республика районнары һәм шәһәрләре педагоглары, мәгълүмати-методик үзәкләр белгечләре һәм мәктәп директорлары катнашты.

Тукай районының мәктәп директорлары, балалар бакчалары мөдирләре, шулай ук район мәгариф бүлеге, мәгълүмати-методик һәм мәктәптән тыш тәрбия эшләре үзәкләре хезмәткәрләренең район семинар-киңәшмәсе узды.

Кайсы гына студентның Кембридж, Оксфорд кебек бөтен дөньяга танылган югары уку йортларында белем аласы килми икән?! Кем өчендер бу бары тик тормышка ашмаслык хыял гына булып калса, кемдер көне-төне китап “кимереп” булса да үз максатына ирешер өчен бер мөмкинлекне дә кулдан ычкындырмый.
27 сентябь көнне Kazan Grand Hotel бинасында ITEC компаниясе үз хыялларына тугры булган студентларны һәм аларның әти-әниләрен “UNIS FAIR” дөньякүләм университетлар күргәзмәсенә җыйды. Әлеге чара Казанда бары бер көн генә узды.

29 сентябрь - Россия күләмендә Машина төзүчеләр көне буларак билгеләп үтелә. Татарстанда исә әлеге төр белгечләрне мәктәп бусагасыннан ук әзерли башлыйлар.
Татарстанның оешма һәм предприятиеләренә югары квалификацияле белгечләр әзерләү өчен мәктәп һәм югары уку йортлары биргән белем генә җитми. Киләчәктә республика көндәшлеккә сәләтле кадрлар белән тәэмин ителсен өчен мәгариф процессында эш бирүчеләрнең, ягъни төрле компания вәкилләренең катнашуы да зарур.

Ни өчен Казанда Урта Азия халыкларына сәеррәк карыйлар? “Әлеге мөнәсәбәт кешенең үзеннән тора, – ди КФУның юридик факультеты студенты, Чит ил студентлары ассоциациясе рәисе Данияр Иманалиев. – Кеше чит илдән килгәннәргә үз карашын үзгәртергә телиме? Әгәр теләсә, без нәрсә эшләгәнебезне күрсәтә алабыз. Бу вакытта мәдәниятләр белән алмашу да булыр иде. Без бит, россиялеләр кебек, шундый ук кешеләр. Өстенлекләребез дә, кимчелекләребез дә бар. Алар бит нинди милләттән булуыңнан тормый”.

Татарстан Республикасы Президенты Рөстәм Миңнеханов Энгель Фәттаховның ТР Премьер-министры урынбасары –мәгариф һәм фән министры итеп билгеләнүенә кагылышлы Указны имзалады

Мәктәпкә кергәндә турникет тора. Укучылар, мәктәп хезмәт­кәрләре махсус тәрәзәгә бармак­ларын куярга тиеш. Компьютер системасы кешенең исем-фа­ми­лиясен, сыйныфын ачыклый. Әгәр мәгълүматлар белән туры килә икән, яшел ут яна. Компью­терның хәтер сандыгында уку­чы­ларның баш һәм имән бар­мак­ларының эзләре саклана. Ике кулныкы да. Монысы бер кул җә­рәхәтләнгән очракта укучы мәк­тәпкә кермичә калмасын өчен эшләнгән. Авыл мәктәбе өчен мондый җайланмалар кирәк ми­кән дигән сорау да туа. Быелгы уку елында ачылган өч катлы яңа мәктәптә тәҗрибә үткәреп карарга булганнар. Әти-әниләр “смс” аша баласының ничә сумлык ашаганын, сәгать ничәдә автобуска утырганын да белә ала.

Моннан 9 ел элек халыкара фәнни-гамәли конференциядә, талантсыз шәхесләр юк, аларны күрә һәм тәрбияли белергә генә кирәк, талантларны махсус мәктәпләрдә туплау конструктив юнәлеш була алмый, җәмгыятьне касталарга тарката, сәләтле укучыларны “конфискацияләү” гади мәктәпләрне зәгыйфьләндерә, дип чыгыш ясаган идем. “Еретик абзыегыз”ның измәсен изәргә тырышучылар шактый булды.