ЯҢАЛЫКЛАР
Бүген дөньяның алдынгы университетларында һәм мәктәпләрендә компьютер симуляторлары актив кулланыла башлады. Алар укучыларга виртуаль дөньяда профессиональ гамәлләрнең киң спектрын сынап карарга мөмкинлек бирә. Казан федераль университетында педагоглар өчен интерактив тренажер булдырырга булганнар.
Чаллы шәһәренең яңа төзелә торган балалар бакчаларына электрон язылу ачылды. Бу хакта журналистларга шәһәрнең мәгариф идарәсе җитәкчесе Рөстәм Хуҗин хәбәр итте.
30 январьдан алып 1 февральгә кадәр Республика Олимпиада үзәгенең “Дуслык” лагеры базасында 4-11 нче сыйныфлар арасында татар теле буенча республика олимпиадасының йомгаклау этабы булып узды.
“УМНИК” – Фәнни-техник өлкәдә предприятиеләрнең кече формаларын үстерүгә ярдәм итү Фонды тарафыннан гамәлгә ашырыла торган конкурс. Программаның максаты – инновацион эшчәнлек аша үз-үзләрен танытырга омтылучы яшь галимнәргә ярдәм итү һәм яшьләрнең фәнни-техник һәм инновацион эшчәнлектә массакүләм катнашуын стимуллаштыру, шулай ук яшь галимнәрне һәм белгечләрне фәнни эшләнмәләр нәтиҗәләрен коммерцияләштерү өчен кирәкле кече инновацион предприятиеләр булдыруга кызыксындыру.
2 февральдә Казанда мәктәп укучыларын кайнар ризык белән тәэмин итүне оештыру мәсьәләләре буенча «Хатын-кыз игътибары» дигән кайнар линия эшләде. Татарстанлыларның сорауларына «Мәрхәмәт-Милосердие» депутатлар берләшмәсе әгъзалары һәм Татарстан Республикасында Кеше хокуклары буенча вәкаләтле вәкил аппараты белгечләре җавап бирде.
Россия мәктәпләре директорларының 90%ы укытучыларда цифрлы технологияләр куллану буенча кирәкле компетенцияләр булуын билгеләп үтә, дип сөйләде Мәгариф һәм фән өлкәсендә күзәтчелек федераль хезмәте җитәкчесе Анзор Музаев, РФ Хөкүмәте каршындагы Финанс университетының «Педагогик осталык кышкы мәктәбе» кысаларында чыгыш ясаганда. Аның сүзләренә караганда, 2020 елда үткәрелгән сорашып белешүләр бу хакта сөйли, шул исәптән милли белем бирү сыйфатын тикшерү кысаларында.
3 февральдә Татарстанның барлык муниципаль районнарында Идел буе федераль округының мәктәп укучылары арасында «Нәрсә? Кайда? Кайчан?” Интеллектуаль олимпиадасының сайлап алу турын үткәрү планлаштырыла.
"Профстажировка 2.0" проектының студентлар эшләре конкурсының дүртенче сезоны илнең алдынгы компанияләренә стажировка узу мөмкинлеге бирә, дип хәбәр итә "РСВ"АКБО матбугат хезмәте.
Татарстанның Биектау районындагы «Тургай» балалар бакчасы биш еллык юбилеен билгеләп үтте. Тантанада тәрбияләнүчеләр исеменнән рәхмәт сүзләре, бәйрәм кунаклары исеменнән ихлас котлаулар яңгырады һәм бүләкләр тапшырылды.
2021 елда Мәскәүдә тарих укытучыларының беренче Бөтендөнья конгрессын әзерләү һәм үткәрү буенча оештыру комитеты составы расланды. Бу хактагы боерыкны Россия Федерациясе Хөкүмәте рәисе Михаил Мишустин имзалады. Оештыру комитетының рәистәшләре - Россия мәгариф министры Сергей Кравцов һәм Россия Фәннәр академиясенең гомуми тарих институты (РФА) фәнни җитәкчесе Александр Чубарьян.