ЯҢАЛЫКЛАР
"Махсус белем бирү ихтыяҗлары булган балаларга белем бирү сыйфатын арттыру: педагоглар, укучылар һәм мәктәпләр өчен конкурслар" - Россия Мәгариф министрлыгының "Мәгариф хәбәрләре" электрон журналының май номеры темасы әнә шундый. Әлеге чыгарылыш белем бирү оешмалары һәм педагоглары өчен коррекцион һәм инклюзив белем бирүнең сыйфатын үстерүгә юнәлтелгән Бөтенроссия конкурсларына багышланган.
Тәтеш районында уку елы тәмамланды. Тик дистанцион уку чорында укучыларга бушлай туклану каралган. Районда барлыгы 1867 укучы азык-төлек җыелмасы алачак.
В.Г. Тимирясов исемендәге Казан инновацион университеты 11 сыйныф укучылары өчен БДИга әзерлек буенча бушлай марафон башлап җибәрә.
2020 елның 28 маенда «Татарстан Республикасы Мәгарифне үстерү институты» өстәмә һөнәри белем бирү дәүләт бюджет мәгариф учреждениесе «Мәктәп китапханәләрен һәм мәктәп мәгълүмати-китапханә үзәкләрен үстерү концепциясен гамәлгә ашыру (авыл мәгариф оешмасы шартларында)» темасына онлайн режимда түгәрәк өстәл узды.
РФ Президенты каршындагы бала хокуклары буенча вәкаләтле вәкил Анна Кузнецова ярдәме белән "Учи.ру" аз керемле күп балалы гаиләләргә ярдәм проекты башлап җибәрә. Ул 1 июнь - балаларны яклау көненә багышлана.
«Татарстан Республикасы Мәгарифне үстерү институты» өстәмә һөнәри белем бирү дәүләт автоном мәгариф учреждениесе Россия Федерациясе мәгарифенең әйдәп баручы экспертлары катнашында «Мәгарифтә остазлык: заманча теория һәм инновацион тәҗрибә» II Бөтенроссия фәнни-гамәли конференциясен үткәрә.
Казанда 1-нче июльдән 11 муниципаль шәһәр яны лагере балаларын кабул итәчәк. Ел дәвамында Казан лагерьларында, шул исәптән мәктәп яны лагерьларында, 40 меңнән артык баланың ял итүе планлаштырылган. Бүген Казан Мэры Илсур Метшин коронавирус инфекциясе таралуга каршы тору буенча штаб утырышында барлык санитар нормаларны үтәп, балаларның җәйге ялын оештыруны йөкләде. «Бу өстәмә рәвештә тагын бер кат саклану чараларын һәм барлык күрсәтмәләрне, Кулланучылар хокукларын яклау һәм кеше иминлеге өлкәсендә күзәтчелек федераль хезмәте таләпләрен төгәл үтәргә кирәк булган очрак», - диде Мэр.
Студентлар өчен РФ Президенты һәм Хөкүмәте стипендияләрен алу өчен бәйге башланды. Россия Федерациясе Фән һәм югары белем министрлыгы 2020/21 уку елында РФ Президенты һәм Хөкүмәте стипендияләрен алуга дәгъва кылучыларны сайлап алу башлануы турында игълан итте.
Казан федераль университетының Н.И. Лобачевский исемендәге Лицеен тәмамлаучылар өчен тантаналы чара виртуаль киңлектә, Microsoft Teams мәйданчыгында узды.
Чирмешән районында урта мәктәпне тәмамлаучы 124 егет һәм кызга, шулай ук 9 сыйныфта белем алган 236 укучыга «соңгы кыңгырау» чыңлады. Бәйрәм гадәти булмаган режимда — социаль челтәрләр аша, онлайн-форматта узды.