ЯҢАЛЫКЛАР
Гомуми һәм урта һөнәри белем бирү системасы хезмәткәрләре «Россия сәламәтлек укытучысы - 2020» XI Бөтенроссия конкурсында катнаша ала, ул Россия Федерациясе Мәгариф министрлыгы һәм Дәүләт Думасының Мәгариф һәм фән комитеты ярдәмендә уздырыла.
Информатика буенча мәктәп укучыларының Мәскәү олимпиадасында Россия Федерациясенең 46 төбәгеннән һәм Белоруссиядән 6-9 нчы сыйныф укучылары катнашты. Җиңүчеләр арасына республикабызның дүрт укучысы бар - аларның барысы да К(И)ФУның Н.И. Лобачевский исемендәге лицее укучылары, араларыннан 8 нче сыйныф укучысы Валерий Родионов абсолют җиңүче дип табылды.
Эпидемиологик вәзгыять белән бәйле рәвештә, Иннополис Университетының Югары уку йортына кадәр әзерлек үзәге ярышларның финалын дистанцион технологияләр кулланып уздырачак.
Татарстан Президенты Рөстәм Миңнеханов республикада дистанцион белем алуга (ул коронавирус инфекциясе таралуын кисәтү өчен кертелә) әзерлекне тикшерү өчен Казанның 131 нче лицеенда булды.
Татарстан Мәгариф һәм фән министрлыгы муниципалитетларга мәктәпләрдә электрон, дистанцион укытуны оештыру буенча инструкцияләр җибәрде.
Татарстанда 19 марттан 21 мартка кадәр каникул алды атнасында дәресләр дистанцион рәвештә оештырыла һәм өйрәнелгән материалны кабатлауга багышлана. Укучыларның язгы каникулы 31 мартка кадәр дәвам итәчәк. Бу хакта брифингта Татарстан мәгариф һәм фән министры Рафис Борһанов әйтте.
Мәгариф һәм фән өлкәсендә күзәтчелек буенча федераль хезмәт 2020 елда Бөтенроссия тикшерү эшләрен (ВПР) уздыру вакытын 25 майга кадәр озайтты һәм мәктәпләргә аларның графигын мөстәкыйль билгеләргә рөхсәт итте. Тиешле боерык Рособрнадзор җитәкчесе вазыйфаларын вакытлыча башкаручы Анзор Музаев тарафыннан имзаланды.
Югары һәм урта һөнәри белем бирә торган уку йортларының студентларын дистанцион укытуга күчерү укытучыларның хезмәт хакына йогынты ясамаячак. Бу хакта бүген брифингта Татарстан мәгариф һәм фән министры Рафис Борһанов сөйләде.
23 марттан 12 апрельгә кадәр илнең барлык мәктәпләрендә дә каникуллар игълан ителде. Шул ук вакытта Мәгариф министрлыгы читтән торып укытуны оештыру буенча вакытлыча тәкъдимнәр эшләде.
Төбәкләр белән килеп туган эпидемиологик вәзгыять шартларында эшне оештыру мәсьәләләре буенча видеоконференц-элемтә режимында беренче киңәшмә 18 мартта 9:00 сәгатьтә узачак, турыдан-туры трансляция Мәгариф һәм фән өлкәсендә күзәтчелек буенча федераль хезмәтнең Ситуацион-мәгълүмат үзәге мәйданчыгыннан алып барылачак.