ЯҢАЛЫКЛАР
2019 елда диктант 29 ноябрьдә узачак. Узган ел диктантка Россиянең 73 регионыннан 28 000 артык кеше кушылды – акция 150 югары уку йорты һәм урта махсус уку йортлары, Россиянең 400 мәктәбендә узды.
“Киләчәккә билет” гомуми белем бирү оешмаларының 6-11 нче сыйныф укучылары өчен башлангыч һөнәри юнәлеш бирү проектының беренче этабы тәмамланды. Проект платформасында 66 мәктәптән укучылар онлайн-тест узды.
2015 елдан башлап ел саен Россия Федерациясе Президенты, Рус география җәмгыяте Попечительләр советы Рәисе Владимир Путин инициативасы белән “Географик диктант” халыкара мәгърифәтчелек акциясе үткәрелә. Диктант географик белемнәрне популярлаштыру һәм туган ил географиясен өйрәнү белән кызыксынуны арттыру максатыннан үткәрелә.
21-27 октябрьдә «Республика олимпиада үзәге» нең структур бүлекчәсе саналган «Дуслык» сәламәтләндерү-белем бирү комплексында «Орион» профиль сменасы уза.
25 октябрьдә Казанда “Мәгарифтә остазлык: заманча теория һәм инновацион практика” бөтенроссия фәнни-гамәли конференциясе узачак.
24 октябрь көнне Яшел Үзән районында республика районнары мәгариф бүлекләренең милли мәгариф буенча методистлары, татар телендә белем бирүче оешмалар директорлары, туган (татар) теле һәм әдәбияты укытучыларының зона семинар – киңәшмәсе «Федераль дәүләт белем стандартларын гамәлгә ашыру шартларында укытучыларның предмет һәм методик компетенциясен үстерү» темасы астында узды.
2019 елда Бөтенроссия иншалар конкурсының төбәк этабына Татарстан Республикасының 15 муниципаль берәмлегенең гомуми белем бирү һәм урта һөнәри белем оешмаларының 4-11 сыйныфларында укучы төрле жанрдагы 76 инша тәкъдим ителде.
Казан укучыларын «Җиңү чыршысын яса» Бөтенроссия конкурсында катнашырга һәм 1945нче җиңү елында яңа ел бәйрәменең ничек үтүен күрсәтергә чакыралар. Өч җиңүченең рәсемнәре коллекцияле Яңа ел открыткаларында төшереләчәк.
21-23 октябрьдә Казан федераль университетында Татарстан Республикасы югары уку йортлары институтлары һәм факультетлары стипендия комиссияләре әгъзалары өчен “Стипендиум” мәктәбе узды.
15-17 ноябрь көннәрендә “Идел” яшьләр үзәгендә “Беренче лига” республика кадрлар программасы кысаларында актив мәктәп узачак, ул беренче курсларны студентлар тормышына җайлаштыруга юнәлтелгән.