ЯҢАЛЫКЛАР

Соңгы елларда милли мәгариф юнәлешендә шактый эш башкарылды, әмма проблемалар да юк түгел. Безнең бүгенге съездның максаты – милли мәгарифнең бүгенге торышына бәя бирү һәм үсеш перспективаларын билгеләү. Бүген ТР Премьер-министры урынбасары – мәгариф һәм фән министры Энгель Фәттахов, Татар теле һәм әдәбияты укытучылары, татар телендә белем бирә һәм татар теле предмет буларак укытыла торган мәгариф оешмалары хезмәткәрләренең VI бөтенроссия корылтаенда ясаган чыгышында шулай дип белдерде. Корылтайның ачылышында ТР Дәүләт Советы Рәисе Фәрит Мөхәммәтшин катнашты

Иннополис университеты заманча мәгълүмати технологияләрне өйрәнү буенча бакалавр программасы курсларыннан теләсә кайсына ирекле тыңлаучылар җыюны игълан итә. Тыңлаучылар өстәмә IT-белемгә ия булачак.

Татарстанда быелның 22 октябренә кадәр дәвам итәчәк “Китапларга икенче гомер бүләк ит” хәйрия акциясендә кайбычлылар быел да актив катнашыр дип көтәләр. Былтыр исә, мәктәпләргә 1068 данә матур әдәбият, 120 дәреслек бүләк ителгән.

Яңа-Савин районының 165 нче мәктәбе территориясендә чираттагы күпфункцияле спорт мәйданы ачылышы тантанасы узды. Теләгән һәркем физик тәрбия белән шөгыльләнә алырлык универсиаль спорт мәйданы бүген шулай ук Идел буе районының 129 нчы мәктәбе территориясендә дә ачылды.

“Мәктәпкә әзерләнергә ярдәм ит” акциясе кысаларында Яр Чаллыда 5 мең 663 беренче сыйныф укучысы һәм 695 аз керемле гаиләләрдән булган балага ярдәм күрсәтелгән.

Бүген, 8 август көнне Саба муниципаль районында, Татарстан Республикасы Премьер-министры урынбасары – мәгариф һәм фән министры Энгель Фәттахов катнашында, Татарстан Республикасы мәгариф һәм фән хезмәткәрләренең август киңәшмәсенең “Профессионализм, инновация, иҗат, уңыш – федераль дәүләт мәгариф стандартларын сыйфатлы рәвештә гамәлгә ашыру нигезе” дигән темага II секция утырышы узды.

Uslugi.tatarstan.ru порталында Россия һәм чит илләрдәге мәгариф һәм фәнни оешмаларда тәҗрибә туплар өчен “Алгарыш” ТР Хөкүмәте грантын алучылардан заявкалар кабул итү дәвам итә.

2014 елның 10-13 августында Казанда татар теле һәм әдәбияты укытучылары, татар этномәдәни компонентлы мәгариф учреждениеләре хезмәткәрләренең VI Бөтенроссия съезды уза. Съездның пленар утырышы 11 август көнне Республика Фәннәр академиясендә Татарстан Республикасы Дәүләт Советы Рәисе Фәрид Мөхәммәтшин, Татарстан Республикасы Премьер-министры урынбасары – мәгариф һәм фән министры Энгель Фәттахов, Бөтендөнья татар конгрессы Башкарма комитеты рәисе Ринат Закиров катнашында узачак.

15 августта Байлар Сабасында Татарстан Республикасы Президенты Рөстәм Миңнеханов катнашында “Татарстан: инновация регионы мәгарифе» дигән темага мәгариф һәм фән хезмәткәрләренең чираттагы август киңәшмәсе узачак.
Республика мәгариф системасы үсеше бурычлары һәм нәтиҗәләре турында төп доклад белән Татарстан Республикасы Премьер-министры урынбасары – мәгариф һәм фән министры Энгель Фәттахов чыгыш ясаячак.

Чирмешәндә махсус комиссия район мәктәпләренең яңа уку елына әзерлеген тикшереп, яхшы бәя куйды.