ЯҢАЛЫКЛАР
2021 елның 20-26 мартында Белгород шәһәрендә В.Г.Шухов исемендәге Белгород дәүләт технология университеты базасында химия буенча бөтенроссия олимпиадасының йомгаклау этабы узды.
Татарстанда Туган телләр һәм халыклар бердәмлеге елында олимпиадалардан алып флешмобларга кадәр киң күләмле чаралар планы әзерләнгән.
Әлмәттә балалар йорты тәрбияләнүчеләре Александр Тимофеев һәм Дмитрий Пирогов “Хәйриячеэшмәкәр” бөтенроссия конкурсында җиңү яуладылар һәм 25 мең сум грант алдылар. Бу хакта “Татар-информ” мәгълүмат агентлыгына Әлмәт районы башлыгы матбугат хезмәтендә хәбәр иттеләр.
Шәһәр хакимияте Нокса елгасы аша күперне эксплуатациягә керткәннән соң мәктәп автобус маршрутын оештырырга планлаштыра.
Рособрнадзор 2021 елда барлык регионнарда узачак 9 нчы сыйныфлар өчен контроль эшләрен уздыру срокларын бастырып чыгарды. Исегезгә төшерәбез, быел ТДИ сайлау буенча фәннәр буенча гамәлдән чыгарыла. Тугызынчы сыйныф укучылары өчен имтиханнар урынына контроль эшләр каралган. Предметлар исемлегендә физика, химия, биология, әдәбият, география, тарих, җәмгыять белеме, чит телләр (инглиз, француз, немец һәм испан), информатика фәннәре бар. Тугызынчы сыйныф укучылары үз сайлаа алулары буенча бер предмет буенча контроль эш язачаклар, ә берничә предмет буенча ул быел каралмаган. Үз мәктәбендә 2021 елның 30 апреленә кадәр сайланган предметны күрсәтеп (шул көнне кертеп) катнашуга гариза бирергә кирәк. Шушы вакыт ахырына кадәр катнашучылар, кабат гариза биреп, элек сайланган уку предметын үзгәртергә хокуклы.
Чаллы педуниверситеты базасында авыл укытучыларын әзерләү буенча федераль үзәк төзергә планлаштыралар. Бу хакта Чаллыга визиты вакытында профессор, галим-педагог, Россия мәгариф академиясе әгъза-корреспонденты Анатолий Цирульников хәбәр итте.
Халыкара кошлар көнен бәйрәм итү кысаларында Минзәлә интернат-мәктәбендә “Кошлар — безнең дуслар” дигән ачык чара узды.
20-26 мартта Екатеринбургта икътисад буенча мәктәп укучыларының бөтенроссия олимпиадасының йомгаклау этабы узды.
Быел беренче сыйныфка балаларны кабул итү яңа кагыйдәләр буенча, "Төп гомуми һәм урта гомуми белем бирү программалары буенча белем алуга кабул итү тәртибен раслау турында" N458 Мәгариф министрлыгы боерыгы нигезендә узачак.
Татарстаннан 32 укучы хокук буенча Бөтенроссия олимпиадасының финалында чыгыш ясаячак. Ярышлар 29 мартта Россия Халыклар дуслыгы университетында башлана. Җиңүчеләрне һәм призерларны 3 апрельдә игълан итәчәкләр.