ЯҢАЛЫКЛАР
"Крылья Ростех" авиатармагы өчен инженерлар әзерләү проекты Россиянең тугыз югары уку йортында эшли башлый. Катнашучы студентлар 50 мең сумга кадәр мотивацион түләүләр алачак.
23 мартта Рособрнадзор инициативасы белән «Җиңү өчен 100 балл» бөтенроссия акциясе кысаларында КФУның «Н.И.Лобачевский исемендәге лицей» интернат-гомуми белем бирү мәктәбе базасында узган елгы БДИда 100 балл алган югары сыйныф укучылары белән очрашу узачак.
23-26 март көннәрендә Казанда, Барнаулда, Мәскәүдә һәм Санкт-Петербургта Леонард Эйлер исемендәге олимпиаданың йомгаклау этабы узачак, анда математик ярышның әлеге этабына чакырылган мәктәп укучылары катнашачак.
Казанда ата-аналар мәктәп ашханәләре эше турында 97,5% уңай бәяләмә калдырганнар. Бу хакта Татарстан башкаласы мэриясендә эшлекле дүшәмбедә шәһәр туклану департаменты генераль директоры Рима Мөхәммәтшина сөйләде.
Машиналар белеме һәм инженер графикасы кафедрасы хезмәткәрләре һәм студентлары ТРның Арча районы мәктәпләрендә робот техникасы буенча дәресләр үткәрә.
19-20 мартта Апас районында 2020/2021 еллар сезонында «КЭС-БАСКЕТ» мәктәп баскетбол лигасы чемпионатының дивизиональ этабы узды.
Санкт-Петербургта "Россия – мөмкинлекләр иле" президент платформасы проектларының берсе "Киләчәк укытучысы" һөнәри конкурсы финалы тәмамланды. 30 педагоглар командасы җиңүче дип табылды. Конкурс РФ мәгариф министрлыгы ярдәмендә үткәрелә. Проектның Оештыру комитетын РФ Хөкүмәте Рәисе урынбасары Татьяна Голикова җитәкли.
22 марттан 24 мартка кадәр Идел буе дәүләт физик культура, спорт һәм туризм академиясе базасында (Казан шәһәре, Универсиада авылы территориясе, 35 йорт) туган теле һәм әдәбияты укытучыларының Бөтенроссия “Туган тел” конкурсының йомгаклау этабы уздырыла.
Казан мәктәпләрендә Инвалидлылыкны аңлау буенча «Игелеклелек дәресләре»нең яңа циклы башлангыч алды. Дәресләр "МТС Банк белән игелеклелек дәресләре" инклюзив проекты кысаларында үткәрелә, аның инициаторлары булып МТС Банк һәм инвалидларның "Перспектива" төбәк иҗтимагый оешмасы тора. Казанда дәресләрне «Шәһәр мәгариф үзәге» өстәмә һөнәри белем бирү мәгариф учреждениесе оештыра.
Арча районында “Мәгърифәт йолдызлыгы” фәнни-гамәли конференциясе узды. Чара Яңа Кенәр урта мәктәбендә туган телләр һәм халык бердәмлеге елы кысаларында узды. Йомгаклау турына читтән торып сайлап алуны узган укучылар килде.