ЯҢАЛЫКЛАР
Бүген, 2нче декабрьдә 13.00дә "БЕЛЕМ-ҖАВАПЛЫЛЫК-СӘЛАМӘТЛЕК" ВИЧ/СПИДка каршы балалар һәм яшьләргә мәгълүмат бирү буенча бердәм хезмәт көне" Бөтенроссия ачык дәресе үткәреләчәк. Ачык дәреснең нигезендә - ВИЧ-инфекциягә каршы көрәшнең актуаль сорауларын яшь аудитория өчен гадәти форматта күрсәтүче видеофильм.
"Минем һөнәр - минем киләчәк" республика балалар техник иҗаты бәйгесе иртәгә, 1 нче декабрьдә, старт ала. Бәйге укучыларның гамәли проектлар һәм тикшеренүләр өлкәсендәге инновацион идеяләрен ачыклау һәм аларга теләктәшлек күрсәтү максатыннан уздырыла. Бәйгедә 8-11нче сыйныф укучылары катнаша ала.
Россия мәгариф академиясе президенты Людмила Вербицкая җитәкчелеге астындагы Педагогик үлчәмнәр федераль институтының рус теле буенча фәнни-методик советы 2016нчы елның октябрендә уздырылган 9нчы сыйныфларның рус теленнән ДЙА телдән бирү өлеше апробациясе нәтиҗәләре буенча җыелыш үткәрде.
"100 балл җыючылар - Россиянең интеллектуаль ресурслары" ике көнлек форумы 2014-2016нчы елларда бердәм дәүләт имтиханын бер яки берничә предметтан 100 баллга тапшырган 100дән артык студентны җыйды. Татарстан Республикасын КФУ юридик факультеты студентлары Дарья Кузнецова (тарих-2016), Вадим Салмин (рус теле-2016), Артур Энеев (рус теле, җәмгыять белеме - 2015) һәм лингвистика факультеты студенты Мария Воропаева (рус теле, җәмгыять белеме-2016) тәкъдим итте.
29нчы ноябрьдә Кайбыч районы Олы Подберезье мәктәбенең 180 еллыгын бәйрәм итү тантанасы узды, анда Татарстан Республикасы Премьер-министры урынбасары-мәгариф һәм фән министры Энгель Фәттахов катнашты. Министр мәктәпкә чит телләр өйрәнү өчен лингафон кабинет бүләк итте.
Казанда төбәк мәгариф сыйфатын бәяләү системасын камилләштерү һәм дәүләт йомгаклау аттестациясенә әзерләнүдә һәм үткәрүдә ТР муниципаль методик хезмәтләр эшенең төп бурычларын билгеләү максатыннан “рус теле”, математика”, “физика”, “химия”, “биология” фәннәре буенча методик берләшмәләрнең район җитәкчеләре форумы һәм “Мәгариф сыйфатын бәяләү төбәк системасын булдыруда экспертлар ролен күтәрү” V фәнни-гамәли конференция уза.
Югары Ослан районы укучылар йорты өстәмә белем бирү мөгаллиме, Югары Ослан урта мәктәбе укытучысы Сергей Анохин Красноярскта узган "Йөрәгемне балаларга тапшырам" Бөтенроссия һөнәри осталык бәйгесендә дүртенче урын яулады.
I Татарстанның яшь географлары Республика турниры 2016нчы елның 26-27нче ноябрендә Казанда Рус география җәмгыяте Татарстан бүлегенең география буенча белем бирү комиссиясенең эш планы нигезендә үткәрелде. Көрәш нәтиҗәләре буенча «Сеньорлар» лигасында Түбән Каманың 22нче номерлы гимназиясенең "Азурит" командасы җиңүче дип табылды, ә "Юниорлар" лигасында җиңүче - Казанның 139нчы номерлы гимназиясенең "Табигать дуслары" һәм Яңа Чишмә гимназиясе командалары.
25-27нче ноябрьдә Нью-Дели шәһәрендә WRO-2016 (World Robot Olympiad) Бөтендөнья роботлар олимпиадасы уздырылды. Ярышларда бөтен дөньядан 400дән артык команда катнашты.
Россияне олимпиадада 19 команда тәкъдим итте, алар арасында Татарстан Республикасы командалары да бар иде. Иннополис лицее командасы (Роман Вертячих и Семен Санаров) "Роботлар футболы" номинациясендә 3нче урын яулады.
2016нче елның 25-26нчы ноябрендә Сарман аграр көллиятендә "ТР урта һөнәри белем бирү оешмаларының һөнәри белем бирү системасын модернизацияләү шартларында квалификацияле кадрлар әзерләү өлкәсендәге тәҗрибәсен берләштерү" темасы буенча Бөтенроссия семинары узды.