ЯҢАЛЫКЛАР
10 нчы сентябрьдә Казанның Җиңү паркында укучылар арасында авиамодельләштерү спорты буенча «неДетская авиация» ачык шәхси-команда ярышлары узачак. Стартлар F5D радиоидарәле модельләр классында узачак.
Быел «Мәктәпкә җыенырга ярдәм ит» республика проекты Донецк һәм Луганск халык республикаларыннан килгән 300 дән артык баланы колачлаячак. Бу хакта «Бердәм Россия» нең җәмәгатьчелекне кабул итү бүлмәсендә ТР Мәгариф һәм фән министры урынбасары Алсу Әсәдуллина сөйләде.
Яңа уку елыннан Татарстанда сәламәтлек мөмкинлекләре чикләнгән балалар мәктәпләрдә көненә ике тапкыр бушлай кайнар аш белән тәэмин ителәчәк. Бүген РФ Дәүләт Думасы депутаты Татьяна Ларионова «Бердәм Россия» партиясенең Казандагы Иҗтимагый кабул итү бүлмәсендә шул хакта хәбәр итте.
1 сентябрьгә Татарстанда 7,3 мең урынлы тугыз яңа мәктәп үз ишекләрен ача. Алар Чаллы, Әлмәт, Саба, Яшел Үзән һәм Кукмарада укучыларны кабул итәчәк. Тагын ике мәктәпне Түбән Кама һәм Биектауда төзеп бетерәчәкләр. Бүген РФ Дәүләт Думасы депутаты Татьяна Ларионова «Бердәм Россия» партиясенең Казандагы Иҗтимагый кабул итү бүлмәсендә шул хакта хәбәр итте.
Татарстан башкаласында 45 мәктәптә сәламәтлек мөмкинлекләре чикләнгән балалар укый торган 136 кабинет ремонтланачак һәм җиһазландырылачак. Биш ел элек мондый сыйныфлар белән 34 мәктәп кенә җиһазландырылган иде. Казан мэры Илсур Метшин Казан шәһәре Думасының XV сессиясендә Ратушада әлеге эшкә аерым игътибар бирергә кушты.
«Интеграция» милли системасы гуманитар фәннәр буенча студентлар һәм мәктәп укучыларының иң яхшы фәнни эшенә «Вакыт боерыгы» бөтенроссия конкурсын башлап җибәрү турында игълан итә. Анда 14 яшьтән алып 25 яшькә кадәрге, фәнни һәм тикшеренү эшчәнлеге белән шөгыльләнүче укучылар катнаша ала.
Педагогларга дәрестән тыш дәресләргә әзерләнергә булышу өчен Россия Мәгариф министрлыгы Академиясенең «Классный марафон» җәйге интенсивлар циклы булдырылган.
Предприятие Россиядә дымлылык, яктылык һәм температура үзгәрешләреннән курыкмый торган термодревесина белән эшли торган бердәнбер предприятие булачак.
Казакъстан татар һәм башкорт конгрессы идарәсе әгъзасы Ринат Абулхаликов инициативасы белән төзелгән татар телен өйрәнү өчен мультфильм тиздән интернетта пәйда булачак.
23-26 августта Новосибирск дәүләт техник университетында «Киләчәк фәне – яшьләр фәне» VII Бөтенроссия яшьләр фәнни форумы узачак. Катнашырга студентлар чакырыла.