ЯҢАЛЫКЛАР
1 сентябрьдән Казанның барлык мәктәпләрендә дә иминлекне шәхси сак предприятиеләре хезмәткәрләре тәэмин итәчәк. Татарстан башкаласының Мәгариф идарәсе башлыгы Ирек Ризванов мәгариф хезмәткәрләренең шәһәр күләмендәге педагогик киңәшмәсендә журналистларга шул хакта хәбәр итте.
Казанның 175-нче номерлы гимназиясе укучыларны 1-нче сентябрьдә кабул итәргә тиеш. Бу хакта журналистларга Татарстан башкаласы мәгариф идарәсе башлыгы Ирек Ризванов мәгариф хезмәткәрләренең шәһәр август педагогика советында хәбәр итте.
Бүген Казанның Совет районы «Унбер» яңа лицеенда август педконференциясендә мәгариф хезмәткәрләрен бүләкләделәр. Дәүләт, шәһәр, тармак бүләкләрен Татарстан Мәгариф һәм фән министры Илсур Һадиуллин һәм Казан Мэры Илсур Метшин тапшырды.
«Адымнар — белем һәм татулыкка юл» полилингваль комплекслар ачылу белән беррәттән «Адымнар» өстәмә белем бирү үзәкләре дә ачылачак. Сентябрь башында Аккош күлендә ачылачак беренче бина 180 балага исәпләнгән. Икенчесе Яр Чаллыда ачылачак һәм концептуаль моментлар буенча тагын да масштаблырак булачак.
Сентябрь башына планлаштырылган «Адымнар — белем һәм татулыкка юл» өстәмә белем бирү үзәгендә төрле профильле сменалар үткәреләчәк — барлыгы алты смена планлаштырыла. Бу хакта «Татар-информ» МА матбугат конференциясендә ТР тарих һәм мәдәният һәйкәлләрен торгызу Республика фонды башкарма директоры, ТР Дәүләт Советы Рәисе урынбасары Татьяна Ларионова хәбәр итте.
Яңа уку елы алдыннан укытучылар, тәрбиячеләр, өстәмә белем бирү педагоглары, шәһәр һәм район мәгариф учреждениеләре җитәкчеләре «Чистай» мәдәни үзәгендә традицион август конференциясенә җыелдылар.
Нурлатта район мәгариф хезмәткәрләренең традицион август киңәшмәсе булып узды.
Анда район башлыгы Алмаз Әхмәтшин, ТР Дәүләт Советы депутаты Людмила Рыбакова, ТР Мәгариф һәм фән министры урынбасары Станислав Андреев һәм башкалар катнашты.
25 августта Түбән Камада ел саен үткәрелә торган педагогик конференция булып узды.
«IT-куб» Үзәге эше «Цифрлы белем бирү мохите» федераль проекты паспорты нигезендә оештырыла.
Мөслимдә мәгариф хезмәткәрләренең август киңәшмәсе булып узды. Киңәшмәнең пленар өлешендә мәгариф идарәсе җитәкчесе Лилия Хәбибуллина узган уку елына йомгак ясады.