ЯҢАЛЫКЛАР
«Россия ел укытучысы - 2021» Бөтенроссия конкурсының өченче көне бара. Финалистлар сентябрь аенда Ростов-на-Донуда конкурсның федераль этабында ничек уңышлы чыгыш ясарга, искиткеч дәрес уздырырга, якты медиавизитка төзергә һәм үз методикасы турында сөйләргә кирәклеген белделәр.
Россия данын информатика буенча V Европа юниорлар олимпиадасында тәкъдим итәчәк җыелма командасы составы билгеләнде. Алар арасында - Н.И. Лобачевский исемендәге Казан лицее укучысы Ренат Кәримов.
29 июльдән 1 августка кадәр Мәскәү өлкәсенең Дубна шәһәрендә И.Ф. Шарыгин исемендәге Халыкара геометрия олимпиадасының финалы узды. Россия һәм Белоруссия финалистлары олимпиадада барып катнашты. Болгария, Вьетнам, Һиндстан, Иран, Кытай, Перу, Румыния һәм Филиппин вәкилләре олимпиадада дистанцион рәвештә катнаштылар.
Татарстан Республикасы Мәгариф һәм фән министрлыгы “А.С.Пушкин исемендәге 9 нчы лицей” МБОУ директоры Кибец Валентина Васильевнаның 2021 елның 1 августында 77 нче яшендә вакытсыз вафат булуы турында хәбәр итә.
9 августтан 13 августка кадәр «Сириус» мәгариф үзәгендә дөньякүләм дәрәҗәдәге халыкара математик үзәкләр конференциясе узачак, ул Россиядә математик тикшеренүләрне үстерүгә, төбәк математика үзәкләре, дөнья дәрәҗәсендәге үзәкләр, Россиянең югары уку йортлары һәм фәнни оешмалары арасында фәнни багланышлар булдыруга һәм ныгытуга юнәлтелгән.
Дүрт алтын медальне укучыларның 53 нче Халыкара химия олимпиадасында (МХО 2021) Россия командасы алды. Халыкара химия олимпиадасы 25 июльдән 2 августка кадәр Осака шәһәрендә (Япония) дистанцион форматта узды. Анда 79 илдән мәктәп укучылары катнашты. Олимпиаданың шигаре: «Химия! Бу шәп!" дип аталды.
"Пушкин картасы" программасына хөкүмәт дүрт миллиард сумга якын акча бүлеп бирәчәк. Әлеге программа буенча 14-22 яшьлек гражданнар мәдәният учреждениеләренә йөри алачак. Бу хакта премьер-министр Михаил Мишустин вице-премьерлар белән киңәшмәдә белдерде, дип хәбәр ителә Хөкүмәт сайтында.
Чулман проспекты буенча 1 224 урынга төзелүче "Адымнар - Чаллы" гимназиясе 97% ка әзер. Хәзер территорияне төзекләндерү һәм җиһазлар белән тәэмин итү эшләре бара. Рәсми ачылышка бер ай вакыт калды.
Яңа программалар «Ясалма интеллект өлкәсендә компетенцияләр формалаштыру» ачык киңәшмәсендә Иннополис Университетында Россия Федерациясе Фән һәм югары белем министрлыгының югары белем өлкәсендә дәүләт сәясәте департаменты, федераль укыту-методик берләшмәләр вәкилләре һәм югары уку йортлары җитәкчеләре фикер алыштылар.
Мәгариф учреждениеләрен ремонтлау буенча республика программасы кысаларында 213 объект ремонтланачак. Программа күләме 2 млрд сум тәшкил итә. Бу хакта Татарстан Республикасы Хөкүмәте Йортында узган киңәшмәдә сөйләделәр.