ЯҢАЛЫКЛАР
Казан укучылары Розалина Миргалимова һәм Ралина Йосыпова Россия җыелма командасы составында IX Европа кызлар математика олимпиадасының гомуми зачетында беренче урынны алды. Онлайн-режимда узган ярышларда җиңү өчен 53 илдән укучылар көрәште.
«Яшь профессионаллар» (WorldSkills Russia) VIII милли чемпионаты финалы 2020 елда онлайн-форматта узачак, дип хәбәр итә «Яшь профессионаллар» берлеге матбугат хезмәте.
Россия Федерациясе Мәгариф министрлыгының «Мәгариф волонтерлары» проекты кысаларында киләсе атнадан укытучылар өчен вебинарлар старт алачак, дип хәбәр итте Россия Федерациясе мәгариф министры Сергей Кравцов.
Март ахырында старт алган "Зур тәнәфес" Бөтенроссия конкурсы инде 90 мең укучыны җыйды. Иң билгеле стимул - зур приз фонды: "Артек" халыкара балалар үзәгенә юлламалар, укырга грантлар, портфолиода өстәмә баллар.
2020 елның 23 апрелендә Татарстан Республикасы Мәгарифне үстерү институты Татарстан Республикасы Мәгариф һәм фән министрлыгы һәм В.Г. Тимирясов исемендәге Казан инновацион университеты белән берлектә ата-аналар җәмәгатьчелеге, класс җитәкчеләре һәм белем бирү оешмалары өчен "Ачык класс" проекты кысаларында «Дистанцион укытуны оештыру. Социаль изоляция чорында ата-аналарга психологик ярдәм» темасына тематик вебинар үткәрде.
2020 елның 21 апрелендә Татарстан Республикасы Мәгарифне үстерү институты «Цифрлы белем бирү мохите» ФИП һәм «Ачык мәктәп» ресурс үзәге эшчәнлеге кысаларында мәктәп педагоглары өчен «Дистанцион белем бирүне гамәлгә ашырганда Google-документларны файдалануның өстенлекләре» дип аталган семинар үткәрде.
Россия Федерациясе Мәгариф министрлыгы «Мәктәпкәчә һәм гомуми белем бирүнең заманча механизмнарын һәм технологияләрен үстерү» ведомство максатчан программасы кысаларында грантлар алуга юридик затлар өчен ачык конкурс башлануы турында игълан итте.
Мәгариф министрлыгы "Земский учитель" программасы буенча заявкалар кабул итүен дәвам итә. Программада катнашучылар - ким дигәндә биш елга авыл мәктәбенә эшкә килергә теләүче укытучылар. Моның өчен алар миллион сум ала, ә Ерак Көнчыгышта компенсация күләме - ике миллион. 2020 елда ук мондый түләүләрне 1803 укытучы алачак.
Дөньяда коронавирус дип аталган йогышлы чир таралу безнең күнегелгән тормыш рәвешенә зур үзгәрешләр кертте. «Үзизоляция тәртибе» кертелү сәбәпле, каникуллардан соң мәктәпләр дистанцион укуга, ягъни өйдән торып укуга күчте.
Федераль педагогик үлчәүләр институты (ФИПИ) белгечләре 2020 елгы бердәм дәүләт имтиханына (БДИ) һәм төп дәүләт имтиханына (БГӘ) әзерләнү буенча онлайн-консультацияләрне төгәлләде.