ЯҢАЛЫКЛАР
Регионара хезмәттәшлек кысаларында Ижау шәһәре мәктәпләре директорларыннан торган делегация Казан мәктәпләрендә булды. Кунаклар Иннополис Университетында, 83нче лицейда, М.Устинова исемендәге 102нче гимназиядә булды.
2015 елның 11 декабрендә Яр Чаллы шәһәрендә Л.Б.Васильев исемендәге Кама дәүләт автомеханика техникумында Татарстан Республикасында һөнәри белем үсешенең актуаль мәсьәләләре буенча Татарстан Республикасы Премьер-министры урынбасары – мәгариф һәм фән министры Энгель Фәттахов катнашында республикакүләм киңәшмә узды. Чарада республика техникумнары һәм көллиятләре директорлары катнашты.
Россиядә студентларның стипендияләре 2016 елның сентябрендә 4 процентка индексацияләнәчәк. Бу хакта РФ мәгариф һәм фән министры Дмитрий Ливанов хәбәр итте. "Киләсе ел бюджетына 2016 елның сентябрендә стипендияләрне 4 процентка индексацияләү салынган", - диде Ливанов.
10 декабрьдә Казанның "Корстон" комплексында "Татарстан Республикасы өчен иң яхшы 50 инновацион идея" XI конкурсы җиңүчеләре бүләкләнде. Иң яхшы идея авторларын хөрмәтләү тантанасында Татарстан Премьер-министрының беренче урынбасары Алексей Песошин, ТР Дәүләт Советы Рәисе урынбасары Юрий Камалтынов, ТР вице-премьеры – ТР мәгариф һәм фән министры Энгель Фәттахов, ТР Премьер-министры урынбасары - ТР сәнәгать һәм сәүдә министры вазифаларын башкаручы Альберт Кәримов, ТР Фәннәр академиясе президенты Мәгъзүм Сәлахов, югары уку йортлары ректорлары һәм башка рәсми затлар катнашты.
«2014-2020 елларга Татарстан Республикасы дәүләт телләрен һәм Татарстан Республикасында башка телләрне саклау, өйрәнү һәм үстерү» дәүләт программасын тормышка ашыру, Татарстан Республикасы һәм Башкортостан, Чуваш республикалары, Ульян өлкәсе арасында хезмәттәшлек турында шартнамәләрне тормышка ашыру максатыннан, 2015 нче елның 10 нчы декабрендә Аксубай районында регионара семинар уздырылды.
Мәктәп директорларының укыту эшләре буенча урынбасарлары 2015 елның 10 декабрендә Казанда Татарстан Республикасы Премьер-министры урынбасары - мәгариф һәм фән министры Энгель Фәттахов катнашында узачак I Республикакүләм Форумда белем бирү сыйфаты белән идарә итү мәсьәләләре һәм аларны чишү юллары хакында фикер алышты.
Татарстан Республикасы Мәгариф һәм фән министрлыгы Яр Чаллы шәhәре башкарма комитеты мәгариф hәм яшьләр белән эшләү идарәсе һәм Яр Чаллы социаль-педагогик технологияләр һәм ресурслар институты белән берлектә 2015 нче елның 11 нче декабрендә муниципаль автономияле гомуми белем бирү учреждениесе «Гали Акыш исемендәге 84 нче лицей-интернат» базасында «Яшьләр фәнни эзләнүдә» республика фәнни-гамәли укучылар конференциясен үткәрә.
Татарстан Республикасында “Ел студенты” XI республика премиясенә әзерлек тулы көченә бара. Быел конкурска Татарстанның 19 шәһәреннән җәмгысе 473 гариза кабул ителгән. Хезмәтләрнең күпчелеге – 365е – Казаннан, тагын 108е – республиканың башка шәһәрләреннән һәм районнарыннан. Конкурста катнашу буенча икенче урында – Яр Чаллы студентлары. Катнашучы шәһәрләр арасында Бөгелмә, Түбән Кама, Чистай, Алабуга, Әлмәт һ.б. бар.
Казанның Совет районында “Ёлочка” дигән 224 нче номерлы катнаш төрдәге балалар бакчасының икенче бинасы ачылды. Балалар бакчасы хезмәткәрләрен һәм нәниләрне Казан мэры Илсур Метшин тәбрикләде.
Казанда Татарстан Республикасы мәктәп директорларының укыту эшләре буенча урынбасарлары I республикакүләм форумы узачак. Чарада ТР Премьер-министры урынбасары – ТР мәгариф һәм фән министры Энгель Фәттахов катнашачак. Форумда, аерым алганда, белем бирү сыйфаты белән идарә итү мәсьәләләре һәм аларны чишү юллары хакында фикер алышу булачак