ЯҢАЛЫКЛАР
Татар телле булмаган студентлар һәм магистрантлар өчен бүген татар теле буенча VII Республика вузара студентлар олимпиадасы уздырыла. Аны Казан (Идел буе) федераль университетының Филология һәм мәдәниара коммуникацияләр институты һәм аның Г.Тукай исемендәге татар филологиясе һәм мәдәниара коммуникацияләр бүлеге гомуми лингвистика, лингвокультурология һәм тәрҗемә белеме кафедрасы оештыра.
Татарстанда татар теле һәм әдәбияты, татар мәдәнияте сакланышына, үсешенә этәргеч бирүдә өстәмә шартлар булдыруны максат иткән әлеге проект алдына студентларның татар телендә сөйләшү мөмкинлекләрен ачыклап, аларны үстерү; хәзерге заманда татар теленең гамәлдә файдаланышы, татар халкының тарихы һәм мәдәнияте белән бәйле лингвистик һәм социомәдәни белемнәрне пропагандалау; белем баскычларының югарысына менгән яшьләрне мәдәниятләр диалогы һәм толерантлык рухында тәрбияләү кебек бурычлар куелган.
15 ноябрьдә Яр Чаллы шәһәрендә яңа балалар бакчасы ачылды. Ачылу тантанасында Татарстан Республикасы Премьер-министры урынбасары – мәгариф һәм фән министры Энгель Фәттахов һәм Яр Чаллы шәһәре Башкарма комитеты җитәкчесе Наил Мәһдиев катнашты.
17 ноябрьдә иртәнге сәгать җидедә Алабуга шәһәре ятим балалар йортының “Кояш балалары” исемендәге төркеме һәм Алабуга шәһәре өлкәннәр йортының “Алтын Яшь” төркеме вәкилләре “Үз шәһәреңне чисталыкта тот” дип аталган акция үткәрде.
ТР мөселманнары Диния нәзарәтенең татар җәмәгатьчелеге белән эшләү бүлеге һәм “Зәкәт” хәйрия фонды теләкләре булган барлык кешеләрне дә (җенес, яшь һәм нинди диндә булуларына карамастан) татар телен өйрәнү курсларына чакыра.
Сочида Роботехника көннәре башланды, аның кысаларында Бөтендөнья роботлар олимпиадасы WRO-2014 узачак.