ЯҢАЛЫКЛАР
Киләсе елда Нурлат районының «Заречный» лагеренда балалар өчен ачык бассейн төзеләчәк. Җәйге чорда балаларның су коену урыны проблемасын шул рәвешле уңай хәл итүгә “2014–2020 елларда авыл территорияләренең тотрыклы үсеше” федераль программасы ярдәмгә килгән.
Зәй мәгариф идарәсе ”Educare” Сингапур компаниясе белән берлектә тормышка ашырыла торган ”Татарстан Республикасында белем бирү сыйфатын яхшырту” проекты кысаларында 2, 6, 7 нче мәктәпләрдә тагын ике көнлек укулар үткәрде.
Мондый дәресләр ел саен ТР Дәүләт Советы инициативасы белән ТР Мәгариф һәм фән министрлыгы тарафыннан үткәрелә. Быел парламент дәресе 6 нчы тапкыр була һәм ул парламентның 20 еллыгына багышлана.
17-19 ноябрьдә республика олимпиада үзәгендә III республика тарихи-хокукый турнир була. Анда Казан, Чаллы шәһәрләреннән, шулай ук Мамадыш, Лениногорск, Түбән Кама, Кукмара, Югары Ослан һәм Балтач районнарыннан сайлап алу турларыннан узган 18 команда катнашачак. Турнир барышында 9-11 сыйныф укучылары тарих һәм хокук буенча тупланган белемнәрен тәҗрибәдә кулланырга өйрәнәчәк, фәнни эзләнүләрнең төп юнәлешләре белән танышачак, яңа фәнни-тикшеренү алымнарын үзләштерәчәк.
Кичә Московский шәһәрендә (Мәскәү составына керә) “Россиянең ел тәрбиячесе-2014” бөтенроссия һөнәри осталык конкурсы финалының 10 лауреаты исемнәре игълан ителде. Бу исемлеккә конкурсның төбәк этаплары җиңүчеләре – иң яхшы 62 тәрбияче арасында үткәрелгән бәйге сынауларында югары нәтиҗәләр күрсәткән Казанның 151 нче балалар бакчасы укытучы-логопеды Виолетта Тарасова да кергән.