ЯҢАЛЫКЛАР

“Укытучы-тикшеренүче” бәйгесе белем бирү системасын яңартып кору буенча “Киләчәк” стартегиясен икенче этабында каралган чараларны тормышка ашыру кысаларында узды.

Казан мәктәпләрен яңа уку елына әзерләү чорында балаларның куркынычсызылыгы мәсьәләсенә игътибар зурдан булды. Барлык гомумбелем бирү учреждениеләре дә физик сакчылык ягыннан тәэмин ителде, 165 мәктәп “хәвефлек төймәсе”системасына кертелде, 50 мәктәп видеокүзәтү системасы белән җиһазландырылды.

Яңа уку елында Казан мәктәпләре бусагасын 11 меңгә якын беренче класс укучысы тәүге тапкыр атлап керә. Гомумән алганда, шушы уку елында 102 меңнән артык укучы белем алачак, шул рәвешле, һәр класста уртача 24 бала исәпләнә.

Спас муниципаль районында агымдагы елда мәгариф объектларының янгын куркынычсызлыгын тәэмин итү максатында 2,5 миллион сум акча бүлеп бирелгән. Күзәтү эше бүлеге җитәкчесе Сергей Шалашов хәбәр итүгә караганда, бу акча барлык объектларда автомат янгын сигнализациясен һәм хәбәр итү һәм кешеләрне эвакуацияләү белән идарә итү системаларын ремонтлау һәм хезмәт күрсәтүгә тотылган.

Нурлат муниципаль районында гомумбелем бирү учреждениеләрен капиталь ремонтлау буенча Республика программасында катнашкан 4 мәктәпнең барысында да ремонт эшләре төгәлләнде, дип хәбәр итә “Дуслык” хәбәрчеләре.

Казан мәктәпләрен тәмамлап чыгучыларның 114е (чыгарылышларның 1,5 проценты) узган уку елында белем учагын аттестатсыз гына калдырып китсә, белем алуын дәвам иттерүчеләрнең 124е (укучыларның 0,1 проценты) алдагы класска шартлы рәвештә генә күчерелгән.

Кайбыч муниципаль районының Олы Кайбыч урта гомумбелем бирү мәктәбендә реконструкция эшләренә узган елның август аенда керешкәннәр. Бер елдан артык вакыт эчендә мәктәп танымаслык булып үзгәргән, дип хәбәр итә ТР муниципаль районнары порталы.

Хезмәт хакын нәрсә яки кемнәр хисабына күтәрик – балалар бакчаларындагы тәрбиячеләр хисабынамы, өстәмә белем бирү педагогларыннан кисепме, мәдәният өлкәсендә эшләүчеләрнекен алыпмы? Ә бюджет ул төпләре үзара тоташкан савытлардагы сыеклык кебек.

Президент программасы ярдәмендә Казанның 30 елдан артык хезмәт иткән 134 мәктәп бинасы 3 ел эчендә капиталь төзекләндереләчәк. Быел шушы максаттан 44 мәктәп өлешенә 919 млн. сум акча бүлеп бирелгән.

ТР Фәннәр академиясендә барган Казан күләмендәге август конференциясенең пленар утырышында мәгариф идарәсе җитәкчесе Илсур Һадиуллин тармактагы яңалыкларны барлады.