ЯҢАЛЫКЛАР
Казанда мәктәп хезмәткәрләре өчен сынау имтиханнары 29-30 июньдә булачак. Бу хакта Казан шәһәре мэриясендә узган эшлекле дүшәмбедә Мәгариф идарәсе җитәкчесе Ирек Ризванов әйтте.
Бөек Ватан сугышында Җиңүнең 75 еллыгына әзерлек һәм “Сугышның хатын-кыз йөзе түгел...” проектын тормышка ашыру Татарстан мәктәпләрендә тимурчылар хәрәкәте үсешенә, волонтерлык командалары булдыруга ярдәм итте. Бу хакта “Мәрхәмәт - Милосердие” хатын-кыз депутатлар берләшмәсе утырышында ТР мәгариф һәм фән министры урынбасары Алсу Асадуллина хәбәр итте.
Педагогик вузлар абитуриентлардан документлар кабул итә башлады. 2020 елда ул дистанцион формада уза. Югары уку йортларының рәсми сайтларында укырга керүчеләр өчен шәхси кабинетлар булдырылган, анда почта һәм телефоныңны расларга, үз паспорт мәгълүматларыңны күрсәтергә, тиешле документларның скан вариантларын беркетергә һәм гариза биргән программаны сайларга кирәк.
Бөек Ватан сугышында Җиңүнең 75-еллыгына багышланган Хәтер һәм дан елында Мәгариф министрлыгы Ватанга карата ихлас ярату, үз-үзеңне корбан итү һәм үзара ярдәмләшү - сугыш ачыклаган иң яхшы нәрсәләрне көндәлек тормышыбызда саклап, аны бөтен һәм чын мәгънәсендә саклауга омтыла.
КФУның Филология һәм мәдәниятара багланышлар институты деканы Рамил Мирзаһитов татар теле һәм әдәбияты белгечлегендә бюджет урыннары артуын сөйләде. Бу хакта ул «Татар-информ» мәгълүмат агентлыгында узган матбугат очрашуында әйтте.
"Җиңү диктанты" халыкара акциясе 3 сентябрьдә узачак, дип хәбәр итә ТАСС Россия тарихи җәмгыяте рәисе, "Ватан тарихы" фонды советы рәисе, Россия Федерациясенең тышкы разведка хезмәте директоры Сергей Нарышкинга сылтама белән.
2020 нче елның 20 июненнән дәүләт хезмәтләренең бердәм порталы (gosuslugi.ru) аша югары уку йортларына укырга керер өчен документлар тапшырып була. Порталда «Югары уку йортына онлайн керү» дигән яңа суперсервис барлыкка килде. Абитуриентлардан гаризаларны яңа форматта Россиянең 54 дәүләт университеты кабул итә башлады.
Мәктәп укучылары өчен информатика буенча халыкара һәм иң абруйлы The International Olympiad in Informatics (IOI) олимпиадасын быел Сингапур кабул итәргә тиеш иде. Оештыручылар аны гамәлдән чыгармаска, ә виртуаль киңлеккә күчерергә карар кылды.
Чистай үзәк район хастаханәсе микрорайонында 800 урынга исәпләнгән яңа мәктәп төзелеше бара. Яңа мәгариф учреждениесенең әзерлеге 87 процент тәшкил итә.
БДИга ике атна кала. Имтихан алдыннан дулкынлануны ничек җиңәргә икәнлеге турында Мәскәү шәһәр психология-педагогия үзәге педагог-психологы Оксана Голерова сөйләде.