ЯҢАЛЫКЛАР

Бүгенге чор татар балалар шагыйрьләре иҗатын өйрәнү, пропагандалау, укучыларны китап белән кызыксындыру, 2004-2013 нче елларга Татарстан Республикасы дәүләт телләрен һәм Татарстан Республикасында башка телләрне саклау, өйрәнү һәм үстерү буенча Татарстан Республикасы дәүләт программасын тормышка ашыру максатыннан 11-12 нче апрель көннәрендә Татарстан Республикасы Актаныш муниципаль районы “Сәләтле балалар өчен гуманитар гимназия-интернат” дәүләт автоном гомумбелем учреждениесе базасында «Туган телем – шагыйрләр теле» Республикакүләм фәнни-эзләнү конференциясе узды.

Бүген Татарстанда бер төркем укучылар Бердәм дәүләт имтиханын вакытыннан алда тапшыруны дәвам итте. ТР Мәгариф һәм фән министрлыгыннан алынган мәгълүматларга караганда, биологиядән – 17, җәмгыять белеменнән – 8, физикадан 3 укучы сынау тапшырырга теләк белдергән.

Быел Кайбыч районында 103 чыгарылыш класс укучысы бердәм дәүләт имтиханнары тапшырачак. Аларга узган ел мәктәпне тәмамлаган тагын бер укучы килеп кушылачак

Казанның 39 нчы мәктәбендә 22 апрельдә “Татарстан Республикасының иң яхшы 2013 нче ел укытучысы” конкурсының республика этабы тантаналы шартларда башланып китте. Әлеге бәйгене ТР Мәгариф һәм фән министрлыгы “Мәгариф” илкүләм өстенлекле проекты кысаларында оештыра.

Олы Кайбыч урта гомумбелем бирү мәктәбе үткәргән беренче район фәнни-гамәли конференциясенең “Эзләнү” дип аталуы юкка гына түгел: укучылар җитәкчеләре белән берлектә фәнни эзләнүләр алып бара. Табышлары мактанырлык – проектларның кайберләрен инде бүгеннән үк эшкә җигәргә мөмкин

Татарстан мәгариф министры алга таба да татар һәм рус телләренең тигез күләмдә укытылачагын, рус балаларын татарчага өйрәткәндә күбрәк аралашуга игътибар биреләчәген, махсус интернат-гимназияләрдә сәләтле балалар белем алачагын, Башкортстан белән хезмәттәшлек ныгытылачагы турында белдерә.

Нурлат муниципаль районында балалар бакчаларына чират мәсьәләсе хәл ителә.

Татарстанда рус теленнән унберенче сыйныфта белем алучы 27 укучы БДИ тапшырды. 20 апрельдә Бердәм дәүләт имтиханын вакытыннан алда тапшыру чоры башланды.

16 апрель көнне Казан шәһәренең Халыклар дуслыгы йортында “Укыту һәм тәрбия процессында керәшен этнокультурасы компоненты” дигән темага семинар үтте. Әлеге семинарны Татарстан Республикасы фән һәм мәгариф министрлыгы, Татарстан Республикасы Фәннәр академиясенең Ш.Мәрҗәни исемендәге Тарих институты каршындагы керәшеннәр һәм нагайбакларның тарихын, мәдәниятен өйрәнү Үзәге, Татарстан Республикасы керәшен иҗтимагый оешмасы бергәләп оештырды. Семинарда галимнәр, Мәгариф һәм фән министрлыгы вәкилләре, республиканың 20 районыннан укытучылар, тәрбиячеләр, балалар бакчалары хезмәткәрләре, музей хезмәткәрләре катнашты.