ЯҢАЛЫКЛАР
Финал этабы 2021 елның 18-24 гыйнварында узачак, катнашу бушлай. Конкурста 7-11 сыйныф укучылары һәм урта һөнәри белем бирү оешмаларының 1-2 курс укучылары катнаша. Эшләр 7 юнәлеш буенча кабул ителә: математика, физика һәм астрономия, информатика һәм компьютер фәннәре, химия, әйләнә-тирә мохит турында фән, техника һәм технологияләр, биология һәм медицина.
Быел нефть башкаласында «IT-куб» ачылачак, анда мәктәп укучылары программалаштыру телләрен үзләштерә алачак. Мәгариф мәйданчыгы «Мәгариф» милли проекты буенча төзелә. "IT-куб" Әлмәт политехника техникумы базасында 8-17 яшьлек мәктәп укучыларына тәкъдим ителәчәк. ⠀
24 августта «iВолга» Идел буе федераль округы яшьләр форумына старт бирелде. Форум беренче тапкыр онлайн-форматта уза, ул катнашучыларга һәм спикерларга барлык чикләрне сызып ташларга һәм дөньяның теләсә кайсы ноктасыннан элемтәгә чыгарга мөмкинлек бирәчәк.
25 августта Яр Чаллы шәһәрендә мәгариф хезмәткәрләренең август конференциясе узды. Чара 42 нче мәктәпнең конференц-залында узды. Август конференциясе кысаларында пленар утырыш алдыннан «Вызовы времени: модернизация современного образования путем внедрения и гибких практико-ориентированных программ» дигән күргәзмә оештырылды.
24 августта мәгариф системасы педагогик хезмәткәрләренең август киңәшмәсе кысаларында Татарстан Республикасы мәгариф һәм фән министры урынбасары Азат Шәрәпов рәислегендә Казан педагогика көллиятенең Алгарышлы һөнәри әзерлек үзәге базасында “Белем бирү сыйфатын арттыру факторлары: проект алымы, грант сәясәте, ресурс идарәсе” темасына секция утырышы узды.
Түбән Камада мәгариф хезмәткәрләренең август киңәшмәсе үтте. «Заманча белем бирү: мөмкинлекләр, таләпләр, җаваплылык» дип аталган конференциядә ТР Мәгариф һәм фән министрының беренче урынбасары Андрей Поминов, Түбән Кама муниципаль районы башлыгы Айдар Метшин, мәгариф һәм мәктәпкәчә белем бирү идарәләренең структур бүлекчәләре җитәкчеләре катнашты. Киңәшмәдә районның мәгариф тармагы эшчәнлегенә нәтиҗә ясадылар, киләсе уку елына өстенлекле юнәлешләрне билгеләделәр.
РФ Премьер-министры Михаил Мишустин белем бирү кредитлары буенча ставканы 3 процентка кадәр киметү турындагы карарны имзалады. Аның нигезендә кредитны түләү вакыты – 15 елга, ә ташламалы кредитлау чоры укуны тәмамлаганнан соң 3 айдан 9 айга кадәр арттырылды, дип хәбәр итә Хөкүмәтнең матбугат хезмәте.
Хезмәт һәм социаль яклау министрлыгы топ-50 белгечлек тәкъдим итте, алар бары тик профильле көллияттә яки техникумда гына укуны таләп итә. Приказ проекты Федераль норматив хокукый актлар порталы сайтында бастырылган.
Россия Мәгариф министрлыгының кайнар линия операторлары уку елы башлану, башлангыч сыйныф укучыларын бушлай кайнар ризык белән тәэмин итү һәм класс җитәкчелеге өчен түләүләр мәсьәләләре буенча шалтыратулар кабул итә һәм консультацияләр үткәрә. Консультацияләр тәүлек буе 8-800-200-91-85 телефоны буенча уздырыла.
Быел урта һөнәри белем бирү учреждениеләренә кабул итү кампаниясенең үзенчәлекләре бик күп. Мәгариф министрлыгы боерыгы нигезендә, укырга керергә теләүчеләр гаризаны почта һәм электрон формада (кайбер субъектларда - дәүләт һәм муниципаль хезмәтләре төбәк порталлары аша) җибәрә ала. Һәм уку йортында буш урыннар калса, укырга кабул итү 25 ноябрьгә кадәр озайтыла. Шул ук вакытта көллиятләр көндезге-читтән торып һәм читтән торып уку форматына документлар кабул итү срокларын үзләре билгелиләр.