ЯҢАЛЫКЛАР
20 ноябрьдә Россия юристлары Ассоциациясе РФ Юстиция министрлыгы белән берлектә Бөтенроссия балаларга хокукый ярдәм көне үткәрде. Чара Бөтендөнья балалар көненә багышланган иде.
21 ноябрьдә Чистай районының Каргалы гимназиясендә «Үсеш ноктасы» цифрлы һәм гуманитар профильдәге мәгариф үзәкләре - мәктәп директорлары өчен республикакүләм семинар – киңәшмә узды.
Татарстанда республика мәктәпкәчә белем бирү оешмалары педагоглары арасында "Куркынычсызлык белеме шкатулкасы" дип аталган лэпбуклар республика смотр-конкурсы узды. Смотр-конкурста Татарстан Республикасының 686 мәктәпкәчә белем бирү оешмасыннан 1518 педагог катнашты.
Казан радиомеханика көллиятендә 20-22 ноябрьдә “Электроника” компетенциясе буенча WorldSkills төбәк чемпионаты уза.
18-22 ноябрьдә Пенза шәһәрендә "Йөрәгемне балаларга бирәм" дип аталган өстәмә белем бирү өлкәсе хезмәткәрләренең һөнәри осталык Бөтенроссия конкурсының финал этабы уза.
Татарстан Республикасында "Балалар спорты" федераль проекты кысаларында "Спорттагы минем тарихым" дигән балалар эшләре конкурсы игълан ителә. Конкурска эссе, хикәя, очерк, зарисовка форматында текстлар, шулай ук шигырь текстлары кабул ителә.
2022 елда чыгарылыш сыйныф укучылары чит тел буенча мәҗбүри Бердәм дәүләт имтиханын тапшырачак, дип хәбәр итте матбугат конференциясендә мәгариф һәм фән өлкәсендә күзәтчелек буенча Федераль хезмәт җитәкчесе урынбасары Анзор Музаев.
20 ноябрьдә Мәскәү өлкәсе Хөкүмәт Йортында "Россия Ел тәрбиячесе" X Бөтенроссия һөнәри конкурсына йомгак ясалды. Конкурсның төп призы – "Бәллүр Энҗе" Пермь шәһәренең "Рыцарьлар һәм Принцесылар мәктәбе" балалар бакчасы педагогы Евгений Пепеляевка тапшырылды.
Казанда шәһәрнең яшь галимнәре арасында фундаменталь һәм гамәли химия өлкәсендәге күренекле тикшеренүләр өчен Арбузовлар исемендәге премия җиңүчеләрен билгеләделәр. Җиңүчеләр - Казан Федераль университетыннан Диана Миронова һәм Россия Фәннәр Академиясе Казан фәнни үзәгенең органик һәм физик химия институтыннан Александр Овсянников.
18 ноябрьдә Мәскәү өлкәсендә «Россия ел тәрбиячесе» X Бөтенроссия һөнәри конкурсының 15 лауреаты исемнәрен игълан иттеләр.