ЯҢАЛЫКЛАР
25 апрельдә сәгать 10да Казандагы “Корстон” комплексында милләтебезнең бөек улы – татар әдәбияты классигы, әдәби тәнкыйтьче, публицист, яңа заман татар әдәбиятына һәм әдәби теленә нигез салучы Габдулла Тукайның (1886-1913) тууына 130 ел тулуга багышланган “Габдулла Тукай һәм төрки дөнья” дигән халыкара фәнни-гамәли конференциянең пленар утырышы була. Конференциядә Россия төбәкләреннән, шулай ук Казакъстан, Азәрбайҗан, Кыргызстан, Төркмәнстан, Иран, АКШ кебек чит илләрдән галимнәр, гыйльми хезмәткәрләр катнашуы көтелә.
23 апрель көнне сәгать көндезге 2дә Татарстан Республикасының 10 шәһәрендә татар теленнән белем дәрәҗәсен тикшерү буенча «Бердәм диктант» акциясе уздырылачак. Ул Казан дәүләт медицина университеты инициативасы белән оештырыла.
18-20 майда Габдулла Тукайның тууына 130 ел һәм аның Уральскига килүенә 120 ел тулуга багышланган "Татар халкының бөек шагыйре Габдулла Тукайның тормышында һәм иҗатында Уральск" темасына халыкара фәнни-гамәли конференция үткәреләчәк. Уральск каласында булачак әлеге конференция кысаларында зур гына мәдәни программа каралган, шулай ук Тукай һәйкәленә чәчәкләр китерү күздә тотыла, дип хәбәр итә оештыручылар исеменнән координатор Нурия Хәбибуллина
20-сеннән алып 22-нче апрельгә кадәр Казанда педагогик көллият базасында “Ел тәрбиячесе - 2016” республика конкурсының финалы узачак. Җиңү өчен Татарстанның 40 иң яхшы педагогы көрәшә.
18 апрельдә «Татар-информ» агентлыгында IV халыкара татар теле һәм әдәбияты олимпиадасына багышланган матбугат конференциясе була.
16 апрельдә "Татар-информ" мәгълүмат агентлыгында төрле яшьтәге йөзгә якын кеше "Тоталь диктант" халыкара грамоталылыкны тикшерү акциясендә катнашты. Быел диктант тексты авторы балалар язучысы һәм драматург Андрей Усачев булды. Диктант өчен "Этот древний-древний-древний мир" трилогиясенең "Вкратце об истории Олимпийских игр" дигән 2нче өлеше сайлап алынган иде. Текстны исә Казанның танылган телетапшырулар алып баручысы Мария Веденеева әйтеп яздырды.
Дәүләт инклюзив белем бирү идеясен алга сөререгә тиеш, дип белдерде 14 апрель “Туры линия” барышында Россия Президенты Владимир Путин, Россиядә аутизм белән авыручы кешеләргә ярдәм фондын җитәкләүче Авдотья Смирнова соравына җавап биреп.
Бүген Туполев исемендәге КНИТУ-КАИ ның сәләтле балалар өчен инженерлык лицеенда яңа Яшьләр инновацион иҗаты үзәкләре тантаналы төстә ачылды. Шулай итеп, берьюлы шундый дүрт мәйданчык ачылды. Инженерлык лицееннан тыш, алар Әлмәттә, Чаллыда һәм "Kazan-Arena" стадионында «КидСпейс» балалар һөнәрләр шәһәре базасында ачылган.
Казан балаларының быел җәйге ялына каралган шәһәр программасын финанслауга 246 млн сум акча каралган, бу исә былтыргыдан 6,5 процентка артыграк. Лагерьларда эшләячәк педагогларга 24 мең сум айлык хезмәт хакы түләнәчәк, ул исә 2015 елдагыдан 15 процентка югары.
Бүген сәгать 15.00да Татарстанда белем дәрәҗәсен тикшерү буенча "Тоталь диктант-2016" халыкара акциясе үткәрелә. Теләгән барча кеше Татарстанның Казан, Чаллы, Түбән Кама, Әлмәт, Алабуга, Бөгелмә, Лениногорск һәм Иннополис шәһәрләрендә диктант яза ала.