ЯҢАЛЫКЛАР

«Россия Ел директоры» Бөтенроссия һөнәри конкурсы башланды. Конкурс Мәгариф өлкәсендә дәүләт сәясәтен уңышлы гамәлгә ашыручы гомуми белем бирү оешмаларының талантлы һәм нәтиҗәле җитәкчеләрен ачыклау максатыннан Россия Мәгариф министрлыгы тарафыннан үткәрелә.

Мәгариф бер урында тормый. Мәктәп һәрвакыт яңалыклар белән бергә атлый һәм үсә. Яңа уку елында укытучыларга, ата-аналарга һәм укучыларга нинди үзгәрешләр һәм яңалыклар көтәргә?

31 августта Казан радиомеханика көллияте базасында «Интернет вещей» һәм «Сетевое и системное администрирование» компетенцияләре буенча заманча ике һөнәри остаханә ачылды.

1 сентябрьдә Яр Чаллы политехник көллияте базасында ЧПУ станокларында электромонтаж һәм фрезер эшләре компетенцияләре буенча ике остаханә ачылды.

Казанның 7нче балалар клиник хастаханәсе баш табибы урынбасары Юлия Туманова укучыларга хезмәт һәм ялны чиратлаштырырга тәкъдим итте. «Ата-аналар җыелышы»нда табиб-педиатр укучының көн режимы нинди булырга тиешлеге турында сөйләде.

Россия Федерациясе мәгариф министры Сергей Кравцов 1 сентябрьдә А.С. Грибоедов исемендәге Мәскәүнең 1529 нчы мәктәбендә узган тантаналы линейкада катнашты. Илнең барлык мәктәпләре дә көндезге режимда эшли башлады, аларга 17,5 миллионнан артык бала укырга килде.

1 сентябрьдә Алабуга политехник көллиятендә машина төзелеше кластерының «Профессионалитет» мәгариф-җитештерү үзәге ачылды, аның кысаларында 250 студент өчен әзерлекнең өч юнәлеше буенча укыту башланачак.

Россия Банкы мәктәпләр һәм колледжлар өчен финанс грамоталылыгы буенча көзге сессияне башлап җибәрә. «Финанс базары ничек оештырылган» темасына беренче дәрес 14 сентябрьдә узачак. 

Башлангыч һәм төп гомуми белем бирүнең федераль дәүләт белем бирү стандартларына үзгәрешләр үз көченә керде. Россия Мәгариф министрлыгы боерыклары белән укучыларны төркемнәргә бүлү тәртибе, укучыларны басма дәреслекләр белән тәэмин итүне оештыру һәм уку дисциплиналары буенча предмет нәтиҗәләре аныклана.

1 сентябрьдә «Мәктәптә футбол» проекты Россиянең 48 төбәгендә яңа уку елын ачты.