ЯҢАЛЫКЛАР

Премьер-министр Дмитрий Медведев студентларның стипендиясен 5 мең сумнан 6300гә күтәрде. Дөрес, бу акчаны барлык студентлар да түгел, ә бары тик 4 яки 5 билгеләренә укучы мохтаҗ студентлар гына алачак.

Агымдагы ел Бердәм дәүләт имтиханы нәтиҗәләре буенча 108 кеше 100 балл җыйган. Узган ел максималь балл җыючылар 102 укучы булган.

Соңгы мәгълүматларга караганда, Татарстанда агымдагы ел Бердәм дәүләт имтиханы нәтиҗәләре буенча, 303 кеше өлгергәнлек аттестаты алмаган. Бу сынау тапшыручыларның 1,4 проценты дигән сүз. Узган ел 436 кеше аттестатсыз калган иде.

Быел БДИ нәтиҗәләре белән килешмәгәннәрнең апелляцияләре каралу төгәлләнү алдында.

Россия Федерациясе субъектларының һәммәсендә һәм 49 чит дәүләттәге илчелекләр, РФ хәрби частьләрендәге мәктәпләрдә Бердәм дәүләт имтиханнарын уздыруның төп өлеше тәмам. Быел барлыгы 843 мең егет һәм кыз шундый сынау узган, аларның 780 меңнән артыгы – чыгарылышлар.

Соңгы елларда мәгариф өлкәсе саллы үзгәрешләр кичерде. Белем бирү учреждениеләре әледән-әле нинди дә булса яңалыкны үз җилкәсендә сынап, аны тормышка ашыруда катнаша. Хәзерге шартларда «мәгариф» дигән төшенчә үзе дә үзгәрә башлады.

11 меңнән артык кеше – җәмгыять белеме, 7 меңнән артыгы физикадан белемнәрен күрсәтте.
Алдагы еллар белән чагыштырганда, табигать фәннәре юнәлеше буенча имтихан бирүчеләрнең саны артуы күзәтелә.

“Рус теле - Россия Федерациясе халыкларының гомуммилли байлыгы” Россиякүләм фестиваленә нәтиҗәләр ясалды. Ул Россия эре мәгълүмат агентлыкларының берсе “РИА Новости” тарафыннан үткәрелде.
Фестивальне оештыручылар тарафыннан “Социаль навигатор” проекты кысаларында “Рус телен иң яхшы белгән регион” махсус номинациясе кертелгән иде.

31 майда мәҗбүри рус теле БДИнан куып чыгарылган укучыларга имтиханны яңадан тапшырыга рөхсәт биреләчәк. Бу хакта бүген Казанда журналистлар белән әңгәмәсендә ТР мәгариф һәм фән министрының беренче урынбасары Данил Мостафин хәбәр итте.

Бүген тугызынчылар татар теленнән “кече БДИ” тапшыра. Быел тугызынчыларга имтиханнарны тестлар рәвешендә һәм традицион формада тапшыру мөмкинлеге бирелә. Алай да рус теле һәм математикадан укучылар сынауны тестлар ярдәмендә язма рәвештә генә бирә ала.