ЯҢАЛЫКЛАР
Милли технологик инициативаның Түгәрәк хәрәкәте олимпиадасына заявкалар кабул итү вакыты озайтылды. Хәзер олимпиадада катнашу өчен 19 ноябрьгә кадәр теркәлергә мөмкин.
16 ноябрьдән 20 ноябрьгә кадәр «КФУда PROфән» XII фәнни-популяр проект сериясе узачак. Быел чара киләчәккә, галимнәрнең аны глобаль катаклизмнардан һәм эпидемияләрдән соң ничек күрүенә багышланачак.
Тәтештәге 2нче урта мәктәпнең башлангыч сыйныфлар укытучысы Ирина Михеева педагогларның “Минем иң яхшы дәрес” һөнәри осталык Бөтенроссия бәйгесенең төбәк этабында I дәрәҗә Диплом белән бүләкләнде.
Татарстан мәгариф һәм фән министры Илсур Һадиуллин бүген "ПроеКТОрия" Бөтенроссия һөнәри ориентация форумы җиңүчеләре белән очрашты. Форумда катнашып «Мәгълүмат технологияләре» юнәлеше буенча Иннополис лицее командасы беренче урынны, ә КФУның IT-лицее командасы өченче урынны алды.
Татарстан Республикасы Спас муниципаль районы Болгар шәһәренең 2нче номерлы урта гомуми белем бирү мәктәбе укучыларының ата-аналар активы уку йорты ашханәсендә кайнар туклану ничек оештырылуын тикшерде. Рейдта 6б һәм 11а сыйныф укучыларының әтиләре катнашты.
Беренче олимпиада 12 ноябрьдә астрономия, туган (мари, удмурт, чуаш, мордва), гарәп һәм төрек телләре буенча, соңгысы - 23 декабрьдә туган теле татар булган мәктәп укучылары арасында татар теле буенча узачак.
Татарстан Республикасы Мәгариф һәм фән министрлыгы Татарстан Республикасында “Сыйныф эше!” VII Республика бәйгесен игълан итә. Конкурс ТРда мәгариф һәм фән системасын модернизацияләү һәм үстерү процесслары турында мәгълүмати-аңлату эшенең нәтиҗәлелеген арттыру, укытучы хезмәтенә карата уңай мөнәсәбәт формалаштыруга һәм педагог һөнәренең абруен күтәрүгә ярдәм итүче иң яхшы журналист иҗаты үрнәкләрен ачыклау һәм популярлаштыру максатыннан үткәрелә.
2020 елның 5 ноябрендә Татарстан Республикасы муниципаль районнары педагоглары өчен «Белем бирү сыйфаты: актуаль мәсьәләләр, нәтиҗәле технологияләр һәм инновацияләр» республика фәнни-гамәли конференциясе узды. Конференцияне оештыручылар: «Татарстан Республикасы мәгарифне үстерү институты» өстәмә һөнәри белем бирү дәүләт мәгариф учреждениесе, Татарстан Республикасы Түбән Кама муниципаль районы башкарма комитетының мәгариф идарәсе.
Мәскәү дәүләт педагогика университеты Россия Мәгариф министрлыгы ярдәмендә балалар ялын һәм сәламәтләндерүен оештыручы оешмалар хезмәткәрләренең квалификациясен күтәрү буенча дистанцион курслар оештыра.
17-18 ноябрьдә Россия Федерациясе Мәгариф министрлыгы Балачак, гаилә һәм тәрбияне өйрәнү институты һәм Россия Мәгариф министрлыгы Академиясе белән берлектә мәктәпкәчә белем бирү хезмәткәрләренең VI Бөтенроссия съездын оештыра. Съездның төп темасы мәктәпкәчә белем бирү өлкәсендә дәүләт сәясәтен гамәлгә ашыру булачак.