ЯҢАЛЫКЛАР
Интернетта 11нче сыйныфлар өчен Бөтенроссия тикшерү эшләрен (БТЭ) гамәлдән чыгару өчен имзалар җыю дәвам итә. Берничә петиция бар, аларныж берсе астында инде 10 межнщн артык кеше кул куйган. Яшүсмерләр форумында яңалыклар турында кызып фикер алышалар, ата-аналар һәм укытучылар балалары өчен борчыла, алар хәзер БТЭ-га әзерләнү, киләчәк белгечлектә кирәк булмаячак фәннәрне (БДИ бирәсе булмаган) искә төшерү өчен күп вакыт түгәргә кирәк булачак дип саныйлар.
2016 нчы елның 12-14 декабрь көннәрендә “Дуслык” мәгариф- сәламәтләндерү үзәгендә чуаш, мари, мордва, удмурт телләре һәм әдәбиятлары буенча республика олимпиадаларының йомгаклау этабы узды. Әлеге чарада Татарстан Республикасының гомуми белем бирү оешмаларыннан 77 укучы, 22 туган тел укытучысы катнашты.
Татарстанда «Яшь профессионаллар» WorldSkills эшче һөнәрләр республика чемпионатына сайлап алу этаплары дәвам итә. Милли эшче һөнәрләр чемпионаты кысаларында JuniorSkills стандартлары буенча сайлап алу чемпионатлары да бара.
2016 елның 14 нче декабрендә Г.Тукай исемендәге Арча педагогия көллиятендә Татарстан Республикасы педагогик белем бирүче уку йортлары студентлары арасында Илһам Шакиров иҗатына багышланган “Сандугач” Республикакүләм вокалистлар бәйгесе үткәрелде. Бәйге Татарстан Республикасы Мәгариф һәм фән министрлыгының программасы нигезендә, Урта педагогик белем бирүче уку йотлары студентларының вокал сәнгатен, һөнәри әзерлеген үстерү; милли сәнгать традицияләренә хөрмәт тәрбияләү, сәхнә осталыгын үстерү максатыннан үткәрелде.
Казан педагогика көллияте үзенең 140 яшьлек юбилеен бәйрәм итә. Юбилеен уңаеннан оештырылучы чарада Татарстан Республикасы Премьер-министры урынбасары-мәгариф һәм фән министры Энгель Фәттахов катнаша.
Муниципаль берәмлекләр бу максаттан акчаларны үз финанс мөмкинлекләренә карап үзләре бүләләр. Татарстан - балалар өчен бушлай Яңа ел бүләкләренә акча бүлеп бирүче аз санлы төбәкләрнең берсе.
2016нчы елның 8нче декабрендә Әлмәт районының мөмкинлекләре чикләнгән балалар өчен Рус Акташы интернат-мәктәбендә Халыкара инвалидлар декадасы кысаларында Россиянең Махсус Олимпиадасы XI Республика ярышларының өстәл теннисы буенча зона этабы узды.
2016нчы елның 13нче декабрендә Казан энергетика көллиятендә «Электромонтаж эшләре» компетенциясе буенча "Яшь профессионаллар - 2017" (WorldSkills Russia) региональ чемпионат өчен сайлап алу этаплары башланды.
13нче декабрьдә Татарстан Республикасы Министрлар Кабинетында кышкы каникуллар ваытында республика шәһәр һәм районнарында бәйрәм чаралары уздыруга багышланган брифинг үтте.
Брифингта ТР Президенты ярдәмчесе Ләйлә Фазлеева, ТР яшьләр эшләре һәм спорт министры Владимир Леонов, ТР мәдәният министры Айрат Сибагатуллин, ТР мәгариф һәм фән министры урынбасары Лариса Сулима, ТР Иҗтимагый Палатсы рәисе Анатолий Фомин, Янгын күзәтчелеге буенча баш дәүләт инспекторы Сергей Сергеев, Казан шәһәре Башкарма Комитеты җитәкчесенең беренче урынбасары Дамир Фәттахов чыгыш ясадылар.
2018нче елда әлегә төзелеп кенә килүче Казан-Экспо күргәзмә комплексында эшче һөнәрләр арасында WorldSkills Россия Федерациясе Милли чемпионаты узачак. Бу хакта Татарстан командасының Россия җыелма командасы составында EuroSkills-2016 бәйгесендә катнашуына һәм командаларның WorldSkills ярышларына әзерләнүенә багышланган брифингта Татарстан Республикасы мәгариф һәм фән министрының беренче урынбасары Андрей Поминов сөйләде.