ЯҢАЛЫКЛАР

Татарстан Президенты Рөстәм Миңнеханов Хөкүмәт Йортының утырышлар залында россиякүләм һәм халыкара фән олимпиадаларында җиңү яулаган мәктәп укучылары белән очрашты. Чарада мәгариф һәм фән министры Энгель Фәттәхов, Казан федераль университеты ректоры Илшат Гафуров һәм башка җитәкчеләр катнашты.

Зәй муниципаль районында мәктәп яны лагерьлары эшли башлады. Районда алар барлыгы – 22.

Чүпрәле муниципаль районы үзәгендәге Дзержинский урамында урнашкан элеккеге “Агробанк” бинасының икенче каты рәсми рәвештә балалар китапханәсе “хөкеменә” күчте. Тантаналы чарада Татарстан Республикасы Дәүләт Советы депутаты Шакир Яһудин, район башлыгы Александр Шадриков, район башкарма комитеты җитәкчесе урынбасары Айрат Җәлалов һәм китап сөюче нәни дуслар, укучылар, укытучылар, әти-әниләр катнашты.

Аларның һәркайсы өчен сынауны уңышлы узу мөһим. Чөнки рус теле белән бергә математика имтиханы аттестат алу-алмауны хәл итә.

Бүген тугызынчы сыйныфлар дәүләт йомгаклау аттестациясе үтә - рус теленнән “кече БДИ” тапшыра. Графикта – рус теле.

Бүген унберенче сыйныфны тәмамлаучылар математикадан Бердәм дәүләт имтиханы тапшыра. Әлеге имтиханда катнашырга теләп, 21107 кеше заявка биргән.

153 мәктәп укучысы бүген, Балаларны яклау көнне, iPad иясе булды. Кыйммәтле бүләкләрне малай-кызларга халык арасында электрон хезмәтләрне популярлаштырган өчен тапшырдылар.

Интернетка рус теле имтиханыннан җаваплар куелганнан соң РФ мәгариф һәм фән министры Дмитрий Ливанов: “Математиканы тапшыру башка регламент буенча үтәчәк, әмма кагыйдә бозучыларга җайлашу мөмкинлеге бирмәс өчен аның нечкәлекләрен ачмыйм”, – дип белдерде.

Быел Әгерҗедә чиратта торучы 2-3 яшьлек 192 баланы юллама белән тәэмин итәргә җыеналар.