ЯҢАЛЫКЛАР

2007 елдан башлап, ел саен Мәскәүдә “Туган тел, шул исәптән рус теле укытучыларының мастер-классы” Россиякүләм бәйгесе үткәрелә. Әлеге бәйгене үткәрүнең максаты – иң яхшы туган тел белән рус теле һәм әдәбияты укытучыларның педагогик тәҗрибәсен тарату; туган телне өйрәнгәндә алынган белемнәргә таянып, туган телләргә укыту методикасының инновацион элементларын ачыклау һәм күрсәтү; иҗади эшләүче Россия халыклары туган телләре укытучыларына ярдәм итү; “Туган тел һәм рус теле укытучысы” һөнәре престижын күтәрү.

2011 елның 6 нчы декабрендә Казан шәһәренең “170 нче урта гомумбелем мәктәбе” муниципаль белем бирү учреждениесе базасында 2012 елда узачак бердәм дәүләт имтиханнарының муниципаль координаторлары һәм мәгълүмат базалары операторлары республика семинары узды.

2011 елның 5 нче декабрендә Татарстан Республикасының гомумбелем учреждениеләре арасында V Республикакүләм сайтлар бәйгесе ачылды. Беренче тур читтән торып үткәрелә (проектлар алдан сайлап алына) һәм 2011 елның 23 нче декабренә кадәр дәвам итә.

Мәгариф һәм фән министрлыгы югары белем бирү учреждениеләренә кабул итүнең яңа кагыйдәләре проектын тәкъдим итте. Анда льготага ия булучыларның үз өстенлекләреннән бары тик бер югары уку йортында бер белгечлектә генә файдалану хокукы беркетелгән.

2011 елның 22-27 нче ноябрь көннәрендә «Байтик» компьютер лагере базасында (Казан шәһәре, Авиатөзелеш районы, Крутушка бистәсе) информатика белән мавыккан мәктәп укучылары өчен республикакүләм укыту сменасы узды.

«Илем киләчәге – минем кулларымда» республикакүләм сочинениеләр бәйгесенә нәтиҗәләр ясалды. Бәйге республика гомумбелем учреждениеләренең 1-11 нче сыйныф укучылары арасында коррупциягә каршы дөньяви карашны формалаштыру максатыннан игълан ителгән иде.

2009-2011 елларга Татарстан Республикасында терроризм һәм экстремизмны профилактикалау буенча Республика максатчан программасын гамәлгә ашыру кысаларында Татарстан Республикасының югары уку йортлары укытучылары һәм институтларның фәнни хезмәткәрләре арасында иң яхшы фәнни эзләнү һәм иҗат эшкәртмәсе, җәмәгать куркынычсызлыгы, терроризм һәм эстремизмга каршы тору өлкәсендә социаль кыйммәткә ия булган проект бәйгесе үткәрелгән. Проектлар җәмәгать куркынычсызлыгы өлкәсендә алдынгы белгечләр тарафыннан экспертлар бәяләве аша узган. Экспертлар комиссиясе карары һәм Татарстан Республикасы Мәгариф һәм фән министрлыгының 2011 ел, 23 нче ноябрь, 5532/11 номерлы карары нигезендә бәйгенең 3 җиңүчесе һәм 3 лауреаты расланган.

Халыкара хезмәттәшлекне һәм сәнәгать кооперациясен активлаштыру, халыкара үсеш тәҗрибәсен гомумиләштерү, алга таба нанофән үсешен камилләштерү буенча чаралар булдыру һәм нанотехнологияләрне техника һәм сәнәгатьнең төрле өлкәләренә кертү максатыннан, 2011 елның 30 нчы ноябреннән 2 нче декабренә кадәр Казанда “Сәнәгатьтә экологик куркынычсыз нанотехнологияләр” юнәлеше буенча “Сәнәгатьтә нанотехнологияләр” XII Халыкара фәнни-гамәли конференциясе уза.

2011 елның 16 нчы декабрендә Татарстан Республикасы Фәннәр академиясендә Татарстан Республикасы Хөкүмәтенең россия һәм чит илләрнең алдынгы белем бирү үзәкләрендә кадрлар әзерләү максатыннан оештырылган “Алгарыш” грантлар программасы буенча чыгарылыш укучыларының IV форумы кысаларында бөтенроссия олимпиадалары, конкурслар, конференцияләр җиңүчеләре исәбеннән (“Мәгариф” өстенлекле милли проекты кысаларында) талантлы яшьләрне бүләкләү тантанасы үткәреләчәк.

“Мәгарифне үстерү” федераль максатчан программасы тормышка ашырылуның беренче елы нәтиҗәләре буенча Мәгариф һәм фән министрлыгы Сертификацияләү һәм һөнәри квалификация үзәкләре концепциясен булдырды. Әлеге үзәкләр мәгариф учреждениесендә диплом алып чыккан колледж һәм вуз студентларыннан имтихан ала торган булачаклар.