ЯҢАЛЫКЛАР

Татарстан Республикасы Мәгариф һәм фән министрлыгының 2011 ел, 16 нчы сентябрь, 4443/11 нче номерлы приказы нигезендә, хәзерге дөньяда террорчылык идеологиясен профилактикалау һәм аңа каршы эшчләнлектә яшь буын һәм педагогик җәмәгатьчелекнең катнашуын активлаштыру максатында, 2011 елның 26 нчы октябрендә Тәтеш педагогия көллияте базасында Татарстан Республикасы гомумбелем учреждениеләре укытучылары һәм укучылары арасында “Мәгариф террорчылыкка каршы” республика иҗади эшләр бәйгесенең финал туры узды.

2011 елның 21 нче октябрендә Казан шәһәренең 161 нче урта гомумбелем мәктәбе базасында 2012 елда мәктәп чыгарылыш укучыларның дәүләт (йомгаклау) аттестациясенә әзерләнү кысаларында информатика һәм МКТ һәм чит телләрне җитәкләгән район методик берләшмәләре җитәкчеләре һәм мәгълүмати-методик үзәкләр методистлары өчен республика семинары узды.

19 нчы октябрь көнне “Идея” технопаркында “Эффектив техник чишелеш” номинациясе (“Перспектива” фәнни-техник проектлар бәйгесе) кысаларында Татарстанның төрле шәһәрләреннән мәктәп укучылары командалары арасында ярышлар узды.

2011 елның 18-19 нчы октябрь көннәрендә Татарстан Республикасы Мәгарифне үстерү институтында Татарстан Республикасы Мәгариф һәм фән министрлыгы оештырган министрлык аттестацион комиссиясенең 54 кече комиссия вәкилләре – балаларга өстәмә белем бирү учреждениеләре һәм балалар бакчаларының педагогик хезмәткәрләрен аттестацияләү буенча экспертлар өчен республика семинарлары үтте.

Казанда 21-22 нче октябрь көннәрендә Икенче халыкара мәгариф күргәзмәсе – II Malaysian Education Fair узачак.

Казанда Бөтенроссия югары уку йортлары студентларының нанотехнологияләр һәм наноматериаллар өлкәсендәге фәнни-тикшеренү эшләре бәйгесе старт ала.

Бүген Казанның “Идея” технопаркында “Эффектив техник чишелеш” номинациясе (“Перспектива” фәнни-техник проектлар бәйгесе) кысаларында Татарстанның төрле шәһәрләреннән мәктәп укучылары командалары арасында ярышлар узачак.

2011 елның 11 нче октябрендә Казан шәһәрендә “Төп гомумбелем программаларын үзләштергән чыгарылыш укучыларын әзерләү сыйфатын бәяләү формаларын камилләштерү” проектын тормышка ашыру кысаларында “IX сыйныф чыгарылыш укучыларының дәүләт (йомгаклау) аттестациясен үткәрү нәтиҗәләре, төп мәктәп укучылары белән профильалды эшен һәм 10 нчы профиль сыйныфларына сайлап алуны үткәрү турында” төбәкара семинары үтте.

Россия Федерациясе Хөкүмәтенең 2011 ел, 31 нче май, 436 нчы номерлы “2011-2013 елларда Россия Федерациясе субъектлары бюджетларына федераль бюджеттан төбәкара гомумбелем системаларын модернизацияләүгә субсидияләр бирү тәртибе турында” карарын тормышка ашыру максатында, Россия Мәгариф һәм фән министрлыгы “Федераль мәгариф үстерү институты” федераль дәүләт автономияле учреждениесе һәм “Бөтенроссия педагоглар җыены” бөтенроссия иҗтимагый оешмасы белән берлектә, 2011 елның 17 нче октябреннән башлап, гомумбелем учреждениеләре укытучыларына хезмәт хакын түләү мәсьәләләре буенча Россия Федерациясе гражданнары өчен 8-499-152-67-61 телефоны буенча “кайнар линия” оештырылуы турында хәбәр итә.

2011 елның 14-16 нчы октябрь көннәрендә Казан шәһәре Киров районының 53 нче урта гомумбелем мәктәбе һәм “Яңа Юдино” балалар сәламәтләндерү лагере базасында, мәктәп укучыларында биологиягә карата кызыксыну уяту, мәктәп балалары белән эшләүгә галимнәр, студентлар һәм аспирантлар җәлеп итү максатында, Яшь биологларның I Ачык республика турниры узды. Турнирда Казан, Яр Чаллы, Түбән Кама, Минзәлә, Әлмәт, Алабуга шәһәрләре, Тәтеш, Актаныш, Кукмара, Норлат муниципаль районнарының гомумбелем учреждениеләреннән 14 команда катнашты.